Kiraŭniki Rasii i Biełarusi damovilisia sustrecca ŭ Maskvie dla abmierkavańnia aktualnych pytańniaŭ adnosin dźviuch krain.
Kiraŭniki dźviuch dziaržaŭ sustrelisia «na palach» samita SND u kazachskim Burabai, i ŭ pačatku sustrečy Pucin pavinšavaŭ Łukašenku z čarhovym vybrańniem na pasadu prezidenta.
«Upeŭnieny, što ŭ chodzie prezidenckaha terminu ŭ nas budzie takaja ž sumiesnaja efiektyŭnaja praca ŭ dvuchbakovym płanie, pa ŭdaskanaleńni miechanizmaŭ Sajuznaj dziaržavy, pa ekanomicy, pa zakryćci našych pazicyj na mižnarodnaj arenie, u sacyjalnaj śfiery», — skazaŭ Pucin, adznačyŭšy, što asabliva vostra zaraz stajać pytańni ekanamičnaha ŭzajemadziejańnia dźviuch krain.
Łukašenka padziakavaŭ Pucinu i vykazaŭ mierkavańnie, što ŭ ciapierašni čas nieabchodna vyznačyć aktualnyja pytańni supracoŭnictva ŭ ramkach dvuchbakovych adnosin i Sajuznaj dziaržavy. Kiraŭnik Biełarusi prapanavaŭ taksama vyrašyć, kali varta abmierkavać hetyja pytańni: u ramkach dziaržsavieta abo ŭ ramkach jaho pajezdki ŭ Maskvu.
«Ja mahu pryjechać u Maskvu, i my z vami b sieli, dzieści paŭdnia, i kančatkova pryniali b rašeńnie pa ŭsich pytańniach, pa jakich naśpieli rašeńnia. Bo naŭrad ci my ŭ hetaj zavirusie siońnia pahavaryć zmožam hłyboka», — skazaŭ Łukašenka.
U adkaz Pucin skazaŭ: «Dy ŭ lubym farmacie, Alaksandr Ryhoravič. My z zadavalnieńniem prymiem vas u Maskvie ŭ luby zručny dla vas čas».
Łukašenka zaprašeńnie pryniaŭ.
Kamientary