Vystupić adzinym błokam na nastupnych parłamienckich vybarach i vyłučyć svajho kandydata na prezidenckich prapanavała apazicyi rada ruchu «Za Svabodu».
Rada «vykazvaje hłybokaje škadavańnie, što demakratyčnyja prajeŭrapiejskija siły nie zmahli vyłučyć adzinaha kandydata na prezidenckuju vybarčuju kampaniju-2015». «Heta kansiervuje isnujučuju situacyju ŭ Biełarusi, pašyraje rasčaravańnie i apatyju ŭ hramadstvie, pazbaŭlaje biełarusaŭ kaštoŭnasnaj alternatyvy», — havorycca ŭ zajavie, raspaŭsiudžanaj 27 vieraśnia.
«U biełaruskim hramadstvie raście zapyt na alternatyvu — jak prahramnuju, tak i piersanalnuju, — ličać u ruchu, — tamu prablema razroźnienaści pavinna być narešcie pieraadolenaja!»
Ruch «zaklikaje prabiełaruskija i prajeŭrapiejskija partyi i arhanizacyi zrabić pracu nad pamyłkami i abjadnacca na asnovie nacyjanalnych intaresaŭ». «Na parłamienckich vybarach 2016 hetyja siły pavinny vystupić adzinym błokam, a na nastupnych prezidenckich vybarach — vyłučyć svajho kandydata», — prapanoŭvaje «Za Svabodu».
Pry hetym «va ŭmovach ekanamičnaha kryzisu i źniešniaj pahrozy suvierenitetu ruch «Za svabodu» hatovy vitać dziejańni kiraŭnictva krainy, nakiravanyja na ŭmacavańnie niezaležnaści Biełarusi i zbližeńnie z cyvilizavanym śvietam».
«My ličym, što pryjšoŭ čas dla ahulnabiełaruskaha dyjałohu, jaki pavinien hruntavacca na demakratyčnych pryncypach. Tamu nieprymalnymi źjaŭlajucca sproby kirujučaha režymu stvaryć łajalnuju i padkantrolnuju apazicyju», - padkreślivajecca ŭ zajavie.
Kamientary