24-hadovy biełarus zapraŭlaŭ svajo «Reno» na aŭtazapravačnych stancyjach Biełastoka i źjazdžaŭ, nie zapłaciŭšy. Na jaho mašynie byli skradzienyja polskija numary, paviedamlaje partał tvn24.pl
Na videa, jakoje pradastaviŭ uładalnik adnoj sa stancyj možna ŭbačyć, jak biełarus zapraŭlaje svoj aŭtamabil «Reno Łahuna». Zaŭvažyŭšy supracoŭnikaŭ AZS jon źbirajecca źbiehčy, ale rabotniki jaho zatrymlivajuć i nieŭzabavie pryjazžaje palicyja.
«Złodziej sprabavaŭ uciačy, ale syn zatrymaŭ jaho», — kaža ŭładalnik stancyi Jan Jurkievič.
Vyśvietliłasia, što ciaham tydnia biełarus hetak ža zapraŭlaŭsia i źjazdžaŭ biez apłaty z 5 roznych AZS, ahułam skraŭšy paliva na 1100 złotych. Ale ž, mahčyma, što naš suajčyńnik zmoža adbicca štrafam, bo maksimalnaja suma, na jakuju jon skradaŭ paliva na adnoj z stancyj — 260.82 złotych. Pa zakanadaŭstvie heta padpadaje pad pravinu, ale nie złačynstva. Kab sprava dajšła da suda treba dakazać, što ŭsie kradziažy źjaŭlajucca spłanavanymi akcyjami i krynicaj prybytku mužčyny.
Ciapier supracoŭniki palicyi praviarajuć, ci nie mieŭ biełarus na svaim rachunku inšych takich vypadkaŭ.
Kamientary