U Stolinskim rajonie 11-hadovaja dziaŭčynka patanuła na vačach u maci
Trahičny vypadak adbyŭsia 20 lipienia ŭ Stolinskim rajonie — na race Haryń patanuła 11-hadovaja dziaŭčynka.
Šmatdzietnaja siamja — baćka, maci i čaćviora dziaciej — adpačyvali na pryrodzie. Baćka zajšoŭ u vadu papłavać razam ź dziećmi, a dziaŭčynka starałasia trymacca bližej da bieraha, dzie mahła dastać dno.
Potym baćka vyrašyŭ adpłyć dalej i pakinuŭ pryhladać za dziećmi svaju žonku, jakaja zastavałasia na bierazie, bo nie ŭmieła płavać. La bieraha, dzie kupałasia dačka, byŭ reljef dna z rezkimi pierapadami hłybini. Dziaŭčynka raptam trapiła ŭ adnu takuju zapadzinu i pačała tanuć. Jaje baćka pačuŭ kryki žonki, jakaja klikała na dapamohu, i adrazu ž papłyŭ nazad, ale nie paśpieŭ vyratavać dačku. Cieła dziaŭčynki paźniej dastali vadałazy, paviedamlaje sk.gov.by.
Siamja, u jakoj adbyłasia trahiedyja, žyvie ŭ sielskaj miascovaści i źjaŭlajecca sacyjalna stanoŭčaj.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary