Žyćcio i śmierć pad kaŭpakom Systemy
Kali b Alaksandar Kazulin byŭ zvyčajnym źniavolenym, to jon, badaj, znachodziŭsia b užo ŭ Miensku, la truny žonki. Piša ŭ svaim błohu Alaksandar Kłaskoŭski.
Kali b Alaksandar Kazulin byŭ zvyčajnym źniavolenym, to jon, badaj, znachodziŭsia b užo ŭ Miensku, la truny žonki. Niezaležnyja jurysty spasyłajucca na adpaviedny artykuł zakonu i kažuć, što ŭ takich vypadkach dastatkova rašeńnia načalnika kalonii, uzhodnienaha z prakuroram.
Miž tym papiera ad svajakoŭ nakiravanaja ŭžo i novamu hieneralnamu prakuroru. Ale novy ci stary, tut nie jość pryncypovym. Usie razumiejuć, chto nasamreč musić prymać rašeńnie. Pryčym najvažniejšaje pytańnie — jakoje mienavita budzie rašeńnie: adpuściać palitviaźnia ŭ tak zvany "karotkaterminovy adpačynak" (sama farmuloŭka tut hučyć jak bluźnierstva) ci kančatkova vyzvalać.
Možna ŭjavić sabie, jakija dylemy zaraz paŭstajuć tam, "naviersie". Jość šaniec prademanstravać peŭny humanizm, nabrać punktaŭ u vačoch Eŭropy i h.d. A na druhoj šali — bojaź pakazać słabaść, vypuścić ź plaški palityčnaha džyna. Možna mierkavać, što i samo pachavańnie Iryny Kazulinaj patencyjna razhladajecca ŭ viarchoch jak masavaje mierapryjemstva, katoraje ciažka kantralavać (zhadajma, jak było z pachavańniem Vasila Bykava).
Jaki b varyjant ni vybrali tam, ŭ kiroŭnaj viarchoŭcy, hety trahičny siužet vyrazna demanstruje adnu z ahidnych rysaŭ stvoranaj ŭ krainie systemy. Joj adrasujuć šmat epitetaŭ: niedemakratyčnaja, aŭtarytarnaja, dyktatarskaja i h.d. Ale ŭ takich voś sytuacyjach asabliva vidavočna, što hetaja systema jašče i darešty amaralnaja.
Joj mała prosta palityčnaha panavańnia. Jana ŭłazić uva ŭsie ščyliny asabistaha žyćcia. I navat u hetaj sfery imkniecca kantralavać, dyktavać, razdavać kryvadušnyja acenki, karać abo vyjaŭlać litaść (dakładniej, handlavać joju).
Jašče bolej, hetaja systema, jak bačym, trymaje pad kaŭpakom nia tolki pytańni žyćcia, ale navat i pytańni śmierci.
Łatuška abviarhaje abvinavačańni ŭ charasmencie ad delehatki KR Karpušonak83
Łatuška abviarhaje abvinavačańni ŭ charasmencie ad delehatki KR Karpušonak
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary