Pieršy kamiercyjny reaktyŭny raniec budzie kaštavać 150 tysiač dalaraŭ
Vytvorčaść džetpakaŭ startuje ŭ 2016 hodzie, da klijentaŭ jany dabiarucca ŭ 2017-m.
Novaziełandskaja kampanija Martin Aircraft anansavała vypusk sieryjnych reaktyŭnych rancaŭ Personal Jetpack, pryznačanych dla šyrokaha rynku. Vytvorčaść startuje ŭ 2016 hodzie, cana składzie kala 150 tysiač dalaraŭ.
Personal Jetpack padymaje 120 kh, raźvivaje chutkaść da 74 km/h, moža pravodzić u niebie da 30 chvilin, na što tracicca 45 litraŭ bienzinu.
Mahutnaść ruchavika V4 składaje 200 konskich sił. Na vypadak avaryi praduhledžany balistyčny parašut. Kiravać džetpakam moža jak niepasredna piłot (praz dva džojstyki i tačskryn), tak i čałaviek na ziamli — aparat moža lotać u jakaści bieśpiłotnika.
Na aparat užo jość papiarednija zamovy ad pryvatnych kampanij, dziaržaŭnych struktur i nienazvanaha «płejboja-miljaniera», adznačaje Daily Mail.
Kampanija raspracoŭvała aparat bolš za 35 hod. Pieršyja vyprabavańni pratatypu adbylisia ŭ Novaj Ziełandyi ŭ 2011 hodzie, tady jon padniaŭsia na vyšyniu ŭ 1 km, zatym paśpiachova apuściŭsia na ziamlu na parašucie.
Na siońnia raznastajnyja džetpaki raspracoŭvajucca i vypraboŭvajucca šmatlikimi kampanijami i avijaamatarami, ale jašče nie dachodzili da spažyvieckaha rynku. Viadomym amataram džetpakaŭ jość šviejcarac Iŭ Rosi, jaki niadaŭna apublikavaŭ fantastyčnaje videa palotu nad Dubajem.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa44
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary