Udała dla biełaruskich spartoŭcaŭ prajšoŭ čarhovy dzień na čempijanacie śvietu pa bijatlonie.
Nahadajem, što praz mocny viecier učorašniaja indyvidualnaja honka na 15 kilametraŭ u žančyn była pieraniesienaja na čaćvier. U hety ž dzień pavinna była adbycca i mužčynskaja honka na 20 km z čatyrma ahniavymi rubiažami.
Biełaruska Volha Kudrašova, jakaja pramachnułasia tolki adnojčy, zaniała vysokaje dziaviataje miesca. Vynikovyja bały taksama nabrali Volha Nazarava (19‑aja) i Ludmiła Kalinčyk (30‑aja). Najiacniejšaj ža akazałasia rasijanka Kaciaryna Jurjeva, jakaja zakryła ŭsie dvaccać «taleračak». Srebra ŭ niemki Marciny Hłahaŭ, z bronzaj -- ukrainka Chvastenka.
Na dvuch vierchnich prystupkach pjedestału ŭ mužčyn akazalisia narvežcy Svendsen (zołata) i Bjorndalen (srebra), zamknuŭ trojku rasiejec Maksimaŭ. Biełarusy taksama hodna vystupili ŭ hetaj dyscyplinie. Rustam Valiulin zaniaŭ vośmaje miesca, u jaho dva promachi, kali b adstralaŭ «čysta» byŭ by pieršym. Siarhiej Novikaŭ — 14‑y, Alaksandar Syman — 21‑y.
Treba adznačyć, što vyniki Valiulina i Kudrašovaj lepšyja ŭ hetym sezonie siarod biełarusaŭ. Apošniaja, darečy, užo zavajavała prava vystupić u masstarcie 16 lutaha.
Zbornaja Biełarusi z adnym medalom, zavajavanym u źmiešanaj estafecie, zajmaje čaćviortaje miesca ŭ ahulnym zaliku čempijanatu śvietu.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary