Spravu Michaiła Žamčužnaha budzie razhladać Viciebski abłasny sud. Praces budzie zakrytym.
Pra heta paviedamlaje ŭstanova «Płatform inaviejšn», zasnavalnikam jakoj Žamčužny źjaŭlajecca.
Kiraŭnika «Płatformy» Andreja Banadarenku asudzili za chulihanstva ŭ žniŭni 2014. Adrazu paśla hetaha ŭ Viciebsku aryštavali i Žamčužnaha. Jaho abvinavacili ŭ tym, što schiliŭ supracoŭnika ŭnutranych spraŭ da pieradačy jamu dakumientaŭ, jakija ŭtrymlivali słužbovuju tajamnicu. A taksama nabyŭ schavanuju kamieru (u vyhladzie huzika) i pieradaŭ u časovaje karystańnie inšamu čałavieku. Takija pryłady ŭ Biełarusi niezakonnyja.
Michaił — kandydat techničnych navuk, aŭtar niekalkich manahrafij, vynachodnik. Pieršy ŭ krainie zarehistravaŭ samarobny aŭtamabil na alternatyŭnym palivie. U 2008 jaho asudzili na 5 hadoŭ za kradziež šlacham złoŭžyvańnia słužbovym stanoviščam. Jon byŭ viadučym navukovym supracoŭnikam u viciebskim univiersitecie. Sabraŭ kalektyŭ navukoŭcaŭ, ź jakimi pracavaŭ nad atrymańniem vadarodu, kab paśla jaho vykarystoŭvać u pramysłovaści. Pry praviercy pracy jaho hrupy na Žamčužnaha zaviali kryminalnuju spravu i asudzili. Pa vyzvaleńni ŭ 2012 jon zajaviŭ, što sprava suprać jaho była sfabrykavana.
Kamientary