Staršynia Centralnaj vybarčaj kamisii Lidzija Jarmošyna vielmi zadavolenaja tym, što ŭ vybarach prezidenta Respubliki Biełaruś, jakija pavinny adbycca sioleta nie paźniej za 20 listapada, źbirajucca ŭdzielničać niekalki kandydataŭ-žančyn.
Pra heta jana zajaviła siońnia žurnalistam paśla pasiadžeńnia Centralnaj vybarčaj kamisii. Lidzija Jarmošyna skazała:
«Žančyna — heta taki ž samy čałaviek, jak mužčyna. Heta taki ž samy vybarščyk. A ŭ sacyjalnym płanie žančyna zvyčajna adyhryvaje navat bolš aktyŭnuju rolu za mužčyn. I ja vieru, što ŭ niejkim časie ŭ nas kiravać budzie žančyna. Ja realistka i nie vieru, što heta budzie na sioletnich vybarach, ale paźniej heta całkam mahčyma. Ale dla taho, kab žančyna sapraŭdy pačała kiravać Biełaruśsiu, treba da hetaha pryvučyć vybarcaŭ. A pryvučać ich jakraz i možna tolki praź niepasredny ŭdzieł žančyn-kandydataŭ u vybarčym pracesie».
Na pytańnie žurnalistaŭ, a jak ža ŭ takim vypadku hetyja słovy spałučajucca ź viadomym vykazvańniem Lidzii Jarmošynaj pra toje, što žančyna pavinna nie ŭdzielničać u palityčnym pracesie, a varyć boršč, staršynia Centravybarkama adkazała: «Nu, boršč možna varyć uviečary. Naprykład, jak heta rablu ja».
-
Biełarusam Alenie i Krystafu, u jakich u Varšavie zhareła arendnaja kvatera, za dzień sabrali bolš za $16 tysiač
-
Biełarus, jakomu zabaranili ŭjazdžać u Jeŭropu, znajšoŭ chitry sposab, jak heta abyści
-
Śpiecyjalisty patłumačyli, nakolki niebiaśpiečnyja masty i puciepravody, chiby jakich pakazvajuć u internecie
Kamientary