Na žal, sapraŭdny dom nie palacić na bałonikach.
Nievialički domik, abkružany 5-paviarchovym ofisnym budynkam, u chutkim časie źniasuć, paviedamlaje Daily Mail.
U domie 50 hod pražyła Edzit Makfild, jakaja ŭparta admaŭlałasia pierasialacca. Za ŭčastak joj prapanoŭvali miljon dalaraŭ.
U 2010 hodzie jana pamierła ad raku, u jaje nie zastałosia rodnych. Budynak vystavili na aŭkcyjon, ale adzinym pretendentam vystupili ŭładalniki ofisnaha budynku vakoł chatki. Jany nie ŭtojvajuć, što źbirajucca źnieści dom.
Chacinka pasłužyła pratatypam žytła hieroja multfilma «Uvierch!» Karła Fredryksana. Kali jaho dom sabralisia znosić budaŭniki, jon ŭźniaŭ dom na sotniach bałonikaŭ i palacieŭ u vandroŭku, ab jakoj maryŭ razam z žonkaj.
Multfilm «Uvierch!» mieŭ šalony pośpiech u krytykaŭ (98% stanoŭčych recenzij na Rotten Tomatoes) i palubiŭsia hledačam. Jon atrymaŭ šerah uznaharod, siarod jakich «Oskary» za najlepšuju animacyju i najlepšuju muzyku. U prakacie stužka sabrała 731 młn dalaraŭ pry biudžecie ŭ 175 młn.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa26
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary