U mižnarodnaj internet‑alimpijadzie «Interaktyŭnaja rasiejskaja», jakaja prachodziła ŭ miežach hodu rasiejskaj movy, pieramoh hramadzianin Biełarusi.
U mižnarodnaj internet‑alimpijadzie «Interaktyŭnaja rasiejskaja», jakaja prachodziła ŭ miežach hodu rasiejskaj movy, pieramoh hramadzianin Biełarusi, Pavał Kudrašoŭ. Druhoje miesca zaniała rasiejka, treciaje — žycharka Estonii.
Pieramožca atrymaŭ hałoŭny pryz alimpijady — prafesijny noŭtbuk z padtrymkaj biespravadnych sietak. Za druhoje i treciaje miescy pryzeram uručyli ekskluziŭnyja padarunkavyja vydańni rasiejskaj paezii ručnoj raboty — zborniki Siarhieja Jasienina i Bułata Akudžavy.
Pryjom adkazaŭ na zadańni alimpijady, jakaja pravodziłasia ciaham dvuch miesiacaŭ, zavieršyŭsia 7 listapada. Znaŭcam movy Puškina j Tałstoha prapanavałasia rasstavić pravilny nacisk u słovach, vypravić hramatyčnyja pamyłki, napisać litarami sastaŭnyja ličebniki i praskłaniać ich. Akramia taho, jany musili prajści vyprabavańni j pa rasiejskaj litaratury.
Finalistami alimpijady stali 15 čałaviek z vaśmi krain śvietu, u tym liku Ŭkrainy, Izrailu, Aŭstralii, Małdovy j Azerbajdžanu. Usiaho ŭ konkursie ŭziali ŭdzieł bolš za 4 tysiačy čałaviek z 40 krain.
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary