«Premjer-ministr» samaabvieščanaj Danieckaj narodnaj respubliki Alaksandr Zacharčanka pryznaŭ, što na baku «apałčencaŭ» vajujuć dziejsnyja kadravyja rasijskija vajennyja, jakija ŭziali adpačynak.
Pra heta Zacharčanka paviedamiŭ u efiry telekanała «Rasija 24».
«My nikoli ni ad kaho nie chavali, što siarod nas jość šmat rasijanaŭ, biez dapamohi jakich na siońniašni dzień nam daviałosia b vielmi ciažka i składana było b vajavać. Z dobraachvotnikaŭ Rasii siudy prychodzić šmat byłych kadravych vajskoŭcaŭ, jany zmahajucca razam z nami, razumiejuć, što heta abaviazak.
Bolš za toje, da nas prybyvaje šmat vajskoŭcaŭ z Rasii, jakija addajuć pieravahu adpačynku nie na marskich plažach, a ŭ adnym strai sa svaimi bratami, jakija zmahajucca za svabodu Danbasa», — skazaŭ Zacharčanka.
Pavodle jaho słoŭ, za ŭvieś čas u šerahach apałčeńnia rasijskich vajskoŭcaŭ było kala 3-4 tysiač. «Mnohija ź ich užo źjechali dadomu.
Jašče bolš zastałosia tut. Na žal, jość i zahinułyja», — skazaŭ Zacharčanka.
Kamientary