AHP prosić Jeŭrasajuz prymianić sankcyi da troch mahiloŭskich čynoŭnikaŭ
U Minsku 25 lipienia staršynia Abjadnanaj hramadzianskaj partyi (AHP) Anatol Labiedźka pieradaŭ ministru zamiežnych spraŭ Litvy Linasu Linkiavičusu śpis z troch čynoŭnikaŭ-ideołahaŭ Mahiloŭskaj vobłaści z abhruntavańniem nieabchodnaści ŭviadzieńnia ŭ dačynieńni da ich zabarony na ŭjezd u ES.
Pra heta paviedamiŭ staršynia Mahiloŭskaj abłasnoj arhanizacyi AHP Uładzimir Šancaŭ.
Pavodle jaho słoŭ, u Mahilovie i Babrujsku členy AHP padali zajaŭki na praviadzieńnie 27 lipienia 14 pikietaŭ u honar pryniaćcia ŭ 1990 hodzie Dekłaracyi ab suvierenitecie Biełarusi. Aprača taho, arhanizatary mieli namier «vykazać salidarnaść z ukrainskim narodam, jaki zmahajecca za svaju niezaležnaści». Ni na adzin pikiet dazvoł atrymany nie byŭ. Taksama, pavodle słoŭ Šancava, «u ahladnaj budučyni» nivodnaja zajaŭka ad členaŭ AHP na praviadzieńnie masavych mierapryjemstvaŭ u vobłaści nie była zadavolena.
«Hetym razam my vyrašyli nie źviartacca pa padtrymku ŭ sudy, tamu što sud u takich vypadkach staić na baku ŭład. My pryniali rašeńnie adpravić śpis u jeŭrapiejskija struktury dla pryniaćcia rašeńnia ab vizavych sankcyjach. Pieršyja proźviščy ŭžo tam, i spadziajomsia, što try mahiloŭskija ideołahi chutka atrymajuć svaje zasłužanyja «listy ščaścia», — zajaviŭ palityk.
«U nas zabaroniena abiracca, tamu što dziejničaje sistema pryznačeńnia, u nas zabaronieny mitynhi, schody, vuličnyja šeści. I za ŭsim hetym prasočvajecca praca ideałahičnych rabotnikaŭ, jakija admaŭlajuć nam u tym, što harantavana Kanstytucyjaj. Darečy, u adpaviednaści z artykułam 4 Kanstytucyi u nas nie moža być dziaržaŭnaj ideałohii», — zaznačyŭ Šancaŭ.
Jon nie nazvaŭ proźviščy čynoŭnikaŭ sa śpisu, pieradadzienaha kiraŭniku MZS Litvy, i rastłumačyŭ heta žadańniem zachavać intryhu.
-
Biełaruska praz sacsietku za šeść hadzin dapamahła italjancam znajści chłopčyka, jaki haściavaŭ u ich amal 30 hadoŭ tamu
-
Śviatłana Cichanoŭskaja ŭšanavała ŭ Kijevie pamiać zahinułych hierojaŭ
-
Redakcyja «Hrodzienskaj praŭdy» amal u poŭnym składzie kinułasia ŭ sacsietki kamientavać vizit Cichanoŭskaj u Kijeŭ
Kamientary