Druhi prezident Ukrainy Leanid Kučma ličyć metazhodnym pryciahnieńnie da pieramovaŭ z boku «DNR» i «ŁNR» tych ža asobaŭ, jakija prysutničali na kansultacyjach u ramkach kantaktnaj hrupy Ukraina-RF-ABSIE.
Pra heta paviedamlaje «Interfaks-Ukraina».
Adkazvajučy na pytańnie žurnalistaŭ u čaćvier u Kijevie, ci možna vieści kansultacyi z tymi pradstaŭnikami «DNR» i «ŁNR», jakija da ich pryciahnutyja, Kučma skazaŭ: «A inšych ludziej niama. Bolš usio ž pad ich (kantrolem) znachodzicca Danbas».
U toj ža čas na pytańnie, nakolki hetyja ludzi samastojnyja ŭ svaich rašeńniach, i, mahčyma, takija kansultacyi varta vieści na bolš vysokim uzroŭni pry ŭdziele prezidenta RF Uładzimira Pucina, Kučma adkazaŭ:
«U mianie taksama takoje bačańnie. Ja ŭžo kazaŭ, što biez Pucina prablemu Danbasa nie vyrašyć, a tym bolš bačycie pavodziny Jeŭrapiejskaha Sajuza».
Kamientary