BRSM raspavioŭ, kolki čałaviek pracuje na dziaržprapahandu ŭ internecie
Biełaruski respublikanski sajuz moładzi ŭzmacniŭ pracu ŭ sacyjalnych sietkach i ŭ błahaśfiery. Pra heta zajaviŭ 4 krasavika pieršy sakratar CK BRSM Ihar Buzoŭski na adkryćci Respublikanskaha moładzievaha internet-forumu.
Pavodle jaho słoŭ, u internecie dziejničajuć 346 supolnaściaŭ BRSM u sacsietkach, jakija abjadnoŭvajuć bolš za 280 tys. čałaviek, 143 błoha, u tym liku 97 - u Twitter, z ahulnaj kolkaściu padpisantaŭ bolš za 4 tys.
Akramia taho, pracuje sistema apieratyŭnaha reahavańnia moładzievych infarmacyjnych hrup, jakaja abjadnoŭvaje bolš za 140 čałaviek, pačała pracavać novaja viersija sajta arhanizacyi.
Ihar Buzoŭski nazvaŭ adnym z pryjarytetaŭ dziejnaści BRSM u internecie ŭzmacnieńnie palityčnaj aktyŭnaści moładzi, farmiravańnie pazityŭnaha staŭleńnia da pracesaŭ, što adbyvajucca ŭ śfiery palityčnaha, sacyjalna -ekanamičnaha i kulturnaha raźvićcia krainy. U hetych metach, zajaviŭ jon, « BRSM ŭzmacniŭ pracu ŭ sacyjalnych sietkach, błohaśfiery, na forumach niezaležnych internet- resursaŭ».
Jak paviedamlałasia raniej, prezident Biełarusi Alaksandr Łukašenka svaim ukazam № 55 ad 30 studzienia 2014 padoŭžyŭ dziaržfinansavańnie Biełaruskaha respublikanskaha sajuza moładzi jašče na dva hady napierad.
Kamientary