Čžoŭ Junkan byŭ abvinavačany ŭ karupcyi ŭ śniežni minułaha hoda. Jon apynuŭsia zamiašanym ŭ najbujniejšym karupcyjnym skandale ŭ historyi sučasnaha Kitaja, u jakim fihurujuć jašče bolš za 300 čałaviek ź bližejšaha atačeńnia eks-ministra — svajaki, palityčnyja sajuźniki, prateže, supracoŭniki naftahazavaj karparacyi CNPC.
Ułady KNR kanfiskavali ŭ byłoha ministra hramadskaj biaśpieki Čžou Junkan i členaŭ jaho atačeńnia aktyvy na 14,5 miljardaŭ dalaraŭ u ramkach rasśledavańnia najbujniejšaha ŭ historyi krainy karupcyjnaha skandału, paviedamlaje ahienctva Rejter sa spasyłkaj na ŭłasnyja krynicy ŭ partyjnaj namienkłatury.
Junkan byŭ abvinavačany ŭ karupcyi ŭ śniežni minułaha hoda. Rasparadžeńnie raspačać kryminalnuju spravu addaŭ staršynia KNR Si Czińpin. Dziejańni ŭrada źviazanyja z praviadzieńniem mierapryjemstvaŭ pa baraćbie z karupcyjaj i chabarnictvam.
Jak adznačaje ahienctva, Junkan apynuŭsia zamiašanym u najbujniejšym karupcyjnym skandale ŭ historyi sučasnaha Kitaja. Akramia eks-ministra ŭ skandale fihurujuć bolš za 300 čałaviek ź jaho bližejšaha atačeńnia — svajaki, palityčnyja sajuźniki, prateže, supracoŭniki naftahazavaj karparacyi CNPC, hienieralnym dyrektaram jakoj eks-ministr źjaŭlaŭsia ŭ 1996-1998 hadach. Mnohija ź ich byli ŭziatyja pad vartu abo apytanyja śledstvam paśla ŭzbudžeńnia kryminalnaj spravy ŭ śniežni minułaha hoda.
Pavodle infarmacyi Rojterz, u chodzie rasśledavańnia zamarožanyja bankaŭskija rachunki, na jakich było 5,9 miljarda dalaraŭ, taksama kanfiskavanyja kaštoŭnyja papiery kitajskich i mižnarodnych kampanij na sumu bolš za 8 miljardaŭ dalaraŭ. Akramia hetaha, kanfiskavanyja 300 kvater i damoŭ, antykvaryjat i tvory mastactva, 60 transpartnych srodkaŭ, pradmiety z zołata, srebra, najaŭnyja hrašovyja srodki ŭ zamiežnaj valucie. Zastajecca nieviadomym, jakaja častka kanfiskavanych aktyvaŭ była atrymana nielehalnym šlacham i budzie viernutaja ŭ kaznu.
Čžou Junkan z 2002 pa 2007 hod uznačalvaŭ ministerstva hramadskaj biaśpieki Kitaja. U 2007-2012 hadach źjaŭlaŭsia členam pastajannaha kamiteta Palitbiuro CK KPK 17-ha sklikańnia, vyšejšaha kirujučaha orhana Kamunistyčnaj partyi Kitaja.
Hienieralny sakratar Kampartyi Kitaja Si Czińpin nazvaŭ u liku składanaściaŭ, ź jakimi sutykajecca partyja, «karupcyju, adarvanaść ad narodu, farmalizm i biurakratyzm, jakija stvarajucca niekatorymi partyjcami».
U kancy vieraśnia były člen palitbiuro CK Kampartyi Kitaja Bo Siłaj byŭ prysudžany da pažyćciovaha źniavoleńnia za chabary i prysvajeńni dziaržsrodkaŭ na ahulnuju sumu 25,44 miljona juaniaŭ (4,1 miljona dalaraŭ).
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary