Rasija ŭdziačnaja Alaksandru Łukašenku za jaho pazicyju pa Krymie, zajaviŭ pasoł RF u Biełarusi Alaksandr Surykaŭ 27 sakavika na pres-kanfierencyi ŭ Minsku.
Pavodle jaho słoŭ, Łukašenka «zafiksavaŭ fakt» taho, što Krym staŭ rasijskim. «My jamu za heta ŭdziačnyja», — padkreśliŭ pasoł.
Pavodle słoŭ Surykava, Rasija nie mahła praihnaravać mierkavańnie hramadzian Kryma, pieravažnaja bolšaść jakich prahałasavała za ŭźjadnańnie z Rasijaj na refierendumie.
«Usia suśvietnaja supolnaść pavinna zrazumieć, što luby zamach na terytoryju Kryma paśla pryniaćcia zakona ab ŭźjadnańni jaho i Sievastopala z Rasijaj — heta zamach na suvierenitet Rasijskaj Fiederacyi», — zajaviŭ pasoł.
Nahadajem, 23 sakavika, razmaŭlajučy z žurnalistami, Alaksandr Łukašenka zajaviŭ: «Krym nie źjaŭlajecca niezaležnaj dziaržavaj, jak taja ž Asiecija, Abchazija i hetak dalej. Krym siońnia — častka terytoryi Rasijskaj Fiederacyi. Možna pryznavać heta ci nie pryznavać, ale ad hetaha ničoha nie źmienicca».
Łukašenka taksama zajaviŭ, što ad Biełarusi «nichto nie patrabuje pryznać i padtrymać rasiejcaŭ ci naadvarot». «Ja ščyra kažu: ad mianie i ad našych praŭładnych struktur, MZS nichto hetaha nie patrabuje», — skazaŭ jon.
Kamientary