Mer Biełahorska (centralny Krym) Albiert Kanhijeŭ vykazaŭsia suprać refierendumu, abvieščanaha sieparatystami ŭ Krymie.
«Na moj pohlad, dadzienaje dziejańnie ničoha ahulnaha, akramia nazvy, z refierendumam nie maje», - zajaviŭ Kanh.
Na dumku haradskoha hałavy, praviadzieńnie miascovaha refierendumu supiarečyć kanstytucyi Ukrainy. Akramia hetaha, pa słovach Kanhijeva, niama ni času, ni techničnych mahčymaściaŭ u dastatkovaj miery padrychtavacca da jaho praviadzieńnia.
«Usio, što adbyvajecca ciapier u Krymie, rana ci pozna budzie mieć pravavuju acenku», — skazaŭ jon.
U dalejšym Kanhijeŭ maje namier dziejničać vyklučna ŭ ramkach zakanadaŭstva Ukrainy, u pryvatnaści, u adpaviednaści z zakonam ab orhanach miascovaha samakiravańnia.
«Heta adnyja ź niamnohich lehitymnych orhanaŭ na terytoryi Krymu. Ad ich pracy zaležyć toje, nakolki chutka my vyjdziem z hetaha kryzisu», - padkreśliŭ mer.
Kamientary