«Viedomosti»: Baŭmhiertnieru za aryšt vypłaciać 12 miljonaŭ dalaraŭ «załatoha parašuta»
Uładzisłaŭ Baŭmhiertnier pakinuŭ pasadu hiendyrektara «Urałkalija» nie z pustymi rukami. Jaho kampiensacyja mahła skłaści $12 młn.
Pra heta piša rasijskaje vydańnie «Viedomosti».
«Urałkalij» za 2013 hod pavialičyŭ vypłaty praŭleńniu ŭ 2,3 razu da 752 młn rasijskich rubloŭ. Na zarabotnuju płatu prypała 649,5 młn (u 2012 h. było 227,5 młn), na kampiensacyju vydatkaŭ — 6,6 młn (było 1,9 młn), na premii - 96 młn (było 94,3 młn), u 2012 hodzie praŭleńnie atrymała 466 926 rub. inšych vidaŭ uznaharod, a ŭ 2013 takoha artykuła niama. Pavialičylisia vypłaty i dyrektaram «Urałkalija» — na 9,3% da 86,8 młn rub.
U praŭleńni «Urałkalija» ŭ 2012 i 2013 hh. było 13 čałaviek.
Adzinaje źmianieńnie za hod — na pasadzie hiendyrektara Uładzisłava Baŭmhiertniera źmianiŭ Dźmitryj Osipaŭ, namieśnik staršyni rady dyrektaraŭ «Urałchima». Heta adbyłosia ŭ kancy śniežnia, kali 47,1% akcyj «Urałkalija» pierajšli ad struktur Sulejmana Kierymava, Fiłareta Halčava i Anatola Skurava da hrupy «Oneksim» Michaiła Procharava i «Urałchima» Dźmitryja Maziepina.
Vydatki na ŭznaharodžańnie čalcam praŭleńnia ŭklučajuć vypłatu pry zvalnieńni Baŭmhiertniera, skazaŭ pradstaŭnik «Urałkalija», ale pamieru vypłaty nie paviedamiŭ: «Suma vyznačanaja ŭ adpaviednaści z doŭhaterminovaj prahramaj matyvacyi top-mieniedžmientu, pryniataj u 2011 h.». Havorka idzie prykładna pra 470 młn rub. (kala $12 młn) pa ciapierašnim kursie, kaža čałaviek, blizki da adnaho z akcyjanieraŭ kampanii. U 4-m kvartale vydatki «Urałkalija» na zarabotnuju płatu čalcam praŭleńnia vyraśli na 471,5 młn rub.
Kresła ŭ radzie dyrektaraŭ «Urałkalija» Baŭmhiertnier zachavaŭ, tamu kazać, što kantraktnyja adnosiny ź im kančatkova skasavanyja, nielha, padkreślivaje čałaviek, blizki da kampanii.
Surazmoŭcy vydańnia, blizkija da adnaho z novych akcyjanieraŭ «Urałkalija», raskazvali, što chacieli b, kab Baŭmhiertnier zastaŭsia ŭ kampanii. Pazačarhovy schod akcyjanieraŭ kampanii pryznačany na 24 sakavika, ale śpisy kandydataŭ u radu dyrektaraŭ jašče nie abvieščanyja.
Kamientary