Pytańnie ab uviadzieńni Rasijaj vizavaha režymu z krainami SND nie inicyjavałasia
Pytańnie ab uviadzieńni Rasijaj vizavaha režymu z krainami SND nie inicyjavałasia i nie abmiarkoŭvałasia, na paradku dnia jano siońnia nie stać.
Ab hetym padčas anłajn-kanfierencyi na sajcie BIEŁTA zajaviŭ pastajanny pradstaŭnik Biełarusi pry statutnych i inšych orhanach Sadružnaści Vasil Puhačoŭ.
Nahadajem, ideja ŭviadzieńnia vizavaha režymu pamiž RF i krainami SND uźnikła ŭ hramadstvie na fonie pahromaŭ na nacyjanalistyčnaj hlebie, što adbylisia ŭ maskoŭskim rajonie Zachodniaje Birulova.
«Uviadzieńnie viz — heta nie vyjście ź situacyi, — zajaviŭ Puhačoŭ. — I, jak praviła, uzmacnieńnie vizavaha režymu — heta krok nazad u paraŭnańni z tymi dasiahnieńniami, jakija ŭžo jość.
Patrebny inšyja miery, inšyja dziejańni, z razumnym vykarystańniem tych svabod, jakija jość na siońnia pa ŭzajemnym pieramiaščeńni hramadzian». U pryvatnaści, pavodle jaho słoŭ, heta tyčycca i pytańniaŭ pracoŭnaj mihracyi.
Kamientary