ZP «Brytyš-Amerykan Tabaka Trejdynh Kampani» i Haradzienskaja tytuniovaja fabryka pačali kantraktnuju vytvorčaść cyharet vyšejšaha sehmentu.
ZP "Brytyš-Amierykan Tabaka Trejdynh Kampanii" i Hrodzienskaja tytuniovaja fabryka (HTF) "Nioman" pačali kantraktnuju vytvorčaść cyharet mižnarodnaj marki "Lucky Strike".
Jak paviedamiŭ hienieralny dyrektar HTF Juryj Čarnyšoŭ 20 vieraśnia na pres-kanfierencyi ŭ Minsku, źjaŭleńnie na biełaruskim rynku novaj marki ŭ premium-siehmiencie stała "čarhovym paćviardžeńniem statusu fabryki jak vytvorcy vysakajakasnaj pradukcyi".
"U dalejšym my majem namier pašyryć naša supracoŭnictva z BAT u bolš vysokich cenavych siehmientach, — zajaviŭ Ju.Čarnyšoŭ. — Dla realizacyi hetych prajektaŭ HTF płanuje ŭ budučym hodzie nabyć jašče adnu sučasnuju cyharetna-upakovačnuju liniju koštam kala 5 młn. jeŭra".
"Lucky Strike" – pieršaja marka vyšejšaha cenavaha siehmienta, vyrablenaja BAT u Biełarusi. Pavodle słoŭ dyrektara ZP "Brytyš-Amierykan Tabaka Trejdynh Kampani" Eduarda Hramoviča, robicca jana na novaj linii, jakaja siońnia źjaŭlajecca samaj sučasnaj u krainie i zdolnaja vypuskać cyharety vyšejšaj jakaści sa zvyčajnym abo vuhalnym filtram, a taksama ŭpakoŭvać ich u roznyja typy pačkaŭ. Heta samaja darahaja marka, što vypuskajecca na terytoryi Biełarusi pa kantrakcie abo licenzii: roźničnaja cana "Lucky Strike" składaje 2.400 rub. Na biełaruskim rynku marka budzie pradstaŭlena ŭ dźviuch viersijach — "Original Red" i "Original Silver", a taksama ŭ abnoŭlenaj upakoŭcy.
"My praduhledžvajem, što marka zojmie 2,5—3% biełaruskaha rynku, što dazvolić kampanii ŭmacavać svajo liderstva ŭ vierchnim cenavym siehmiencie", — skazaŭ E.Hramovič. Pavodle jaho słoŭ, u vieraśni płanujecca vyrabić 160—150 młn. cyharet "Lucky Strike" kantraktnaj vytvorčaści, a da siaredziny kastryčnika jany źjaviacca "praktyčna va ŭsich płaciežazdolnych handlovych punktach" Biełarusi.
U dalejšych płanach partnioraŭ – pačatak vytvorčaści na HTF cyharet mižnarodnaj marki "Kent".
Kamientary