Pra heta jon zajaviŭ siońnia na naradzie pa pytańni efiektyŭnaści baraćby z karupcyjaj i ekanamičnymi złačynstvami.
«Nieabchodna pryznać, što zachady, jakija robiacca ŭsimi pravaachoŭnymi i kantralujučymi orhanami krainy, nie dazvalajuć u poŭnym abjomie spynić iłžepradprymalnictva i, hałoŭnaje, likvidavać jaho jak vysokaprybytkovy vid kryminalnaha biznesu. Heta treba zrabić nieadkładna», — padkreśliŭ jon.
Taksama Łukašenka zapatrabavaŭ navieści naležny paradak u roźničnym tavaraabarocie.
Jon papraknuŭ dziaržorhany ŭ bieśsistemnym charaktary baraćby z karupcyjaj i ekanamičnymi złačynstvami.
«Varta pryznać, što jašče nie ŭsio nieabchodnaje zroblena dla spynieńnia karupcyi i pravaparušeńniaŭ u ekanamičnaj śfiery. Praca ŭpaŭnavažanych dziaržaŭnych orhanaŭ časta nosić bieśsistemny charaktar i abmiažoŭvajecca vyjaŭleńniem małaznačnych złačynstvaŭ. Pasiŭnaść prajaŭlajuć i miascovyja orhany ŭłady».
Łukašenka taksama zapatrabavaŭ vykaranić kruhavuju paruku pry baraćbie z karupcyjaj i ekanamičnymi złačynstvami.
«Nivodny nievinavaty nie pavinien być pryciahnuty da adkaznaści. Nie pavinna być i vybaračnaha, jak u nas časta byvaje, pryciahnieńnia da adkaznaści za ekanamičnyja złačynstvy i karupcyju. Maŭlaŭ, heta svaje znajomyja, navat kali i parušyli niešta — dobra, zapluščym vočy, papiaredziŭšy cichieńka ŭ łaźni, na pikniku, na pjancy, na palavańni, na rybałcy. A hetych voś ci nie viedajem, ci zanadta strohija, to davajcie adkrucim hałavu. Chaču skazać nastupnaje: pry takoj sprobie hałovy buduć adkručanyja tym, chto hetym zajmajecca. u asnovie pavinna lažać vyklučnaja spraviadlivaść! Vinavaty — adkazvaj, chto b ty ni byŭ!» — skazaŭ Łukašenka.
Kamientary