«Pa rašeńni Alaksandra Łukašenki ŭ Biełarusi pryspuščany dziaržaŭnyja ściahi. Narod smutkuje i padzialaje bol straty razam ź vieniesuelcami», — havorycca ŭ paviedamleńni Biełteleradyjokampanii, raźmieščanym na jaje aficyjnym sajcie.
Uranku niekatoryja vykazvali mierkavańni, što ŭ Biełarusi, jak i ŭ Arhiencinie, budzie abvieščana trochdzionnaja žałoba. Vidać, hetaje pytańnie davoli doŭhi čas abmiarkoŭvałasia va ŭładnych strukturach, bo infarmacyja na dziaržaŭnym telebačańni prajšła tolki ŭ abied.
Urešcie paviedamili, što pa daručeńni Alaksandra Łukašenki z samaj ranicy 6 sakavika na try dni nad budynkami rezidencyi prezidenta Biełarusi i inšych dziaržustanoŭ va ŭsioj krainie pryspuščany dziaržaŭnyja ściahi.
Akramia taho, usimtele-i radyjokanałam rekamiendavana vyklučyć z efiru zabaŭlalnyja pieradačy.
Čaves adyšoŭ u inšy śviet pozna ŭviečary 5 sakavika.
Nahadajem, što ŭ Biełarusi, u adroźnieńnie ad susiednich krain, nie abviaščałasia žałoby, kali pad Smalenskam raźbiŭsia prezident Polščy Lech Kačynski i ŭsia dziaržaŭnaja elita susiedniaj dziaržavy. Nie abviaščali ahulnanacyjanalnaj žałoby i paśla śmierci najvydatniejšych tvorcaŭ — Vasila Bykava i Uładzimira Mulavina.
Kamientary