Pastka dla krata

Stali viadomyja novyja padrabiaznaści ŭ spravie matčaŭ pa damoŭlenaści nacyjanalnaj zbornaj Biełarusi pa futbole.

Jašče ŭ lipieni 2005 h. Respublikanskaja prakuratura zaviała kryminalnuju spravu pa artykule 253 KK «Podkup udzielnikaŭ prafesijnych spabornictvaŭ». Asnovaj dla zaviadzieńnia kryminalnaj spravy staŭ artykuł u najbolšaj biełaruskaj spartovaj hazecie «Priessboł» «Aperacyja Krot». U artykule havaryłasia, što były futbalist zbornaj Š. sprabavaŭ kupić u hulcoŭ matčy nacyjanalnaj kamandy z čechami i małdavanami. Ludzi, jakija trochu raźbirajucca ŭ futbole praktyčna adrazu identyfikavali futbalista Š., ale jahonaje proźvišča nielha było razhałošvać praz tajamnicu śledztva.

22 lipienia aficyjny drukavany vorhan Ministerstva ŭnutranych spravaŭ hazeta «Na stražie» nadrukavała interviju na hetuju temu z načalnikam śledčaha ŭpraŭleńnia papiaredniaha raśśledavańnia HUUS Mienharvykankamu Hienadziem Kazakievičam. Śledčy i nazvaŭ proźvišča futbalista. Jak i prahnazavałasia, im akazaŭsia były bramnik nacyjanalnaj zbornaj Valery Šantałosaŭ. U svoj čas jon pravioŭ 26 matčaŭ za zbornuju krainy, a taksama źjaŭlajecca samym «suchim» hałkiperam u historyi Biełarusi, Šantałosaŭ nie prapuskaŭ hałoŭ u 143 hulniach.

BIAZ VAS — NIJAK. Sajt nn.by robicca na Vašy hrošy. Achviaravańnie možna pieravieści ŭ lubym adździaleńni banku, na luboj pošcie. Na bankaŭskaj kvitancyi ŭ hrafie «Vid płaciaža» treba paznačyć: «Achviaravańnie za Internet». U hrafie: «Atrymalnik płaciaža» treba pisać: PVUP «Surodzičy», UNP 190 786 828. U hrafie «Najmienavańnie banku» treba pisać: «MHD AAT «Bielinviestbank», vuł.Kalektarnaja, 11, Minsk, kod 764». U hrafie «Rachunak atrymalnika» — 3012 206 280 014. Pry pierasyłcy hrošaj pa pošcie toje samaje treba pisać u rubrykach «Kamu» i «Kudy». Razdrukavać bankaŭskuju kvitancyju (pdf-fajł 38Kb, A4).

Hienadź Kazakievič kaža, što ŭ 2003 h. pierad hulniami z čechami i małdavanami Šantałosaŭ vychodziŭ na tahačasnaha varatara zbornaj z prapanovaj zabiaśpiečyć patrebny vynik (u tych matčach za zbornuju u bramie stajaŭ Vasil Chamutoŭski). Za heta hałkipieru prapanoŭvałasia niekalki tysiač dalaraŭ. Urešcie matčy skončylisia z patrebnym dla «kratoŭ» vynikam, ale nijakich dokazaŭ taho, što bramnik nasamreč braŭ hrošy ad Šantałosava niama. Pa słovach śledčaha, u hetaj spravie fihuruje jašče adzin rasiejski žurnalist, ale jahonaje imia pakul nie nazyvajecca.

26 krasavika Valery Šantałosaŭ byŭ abjaŭleny ŭ kryminalny vyšuk. Jak tolki fihurant spravy budzie znojdzieny, spravu nakirujuć u sud.

Ciapier Šantałosaŭ nibyta pracuje treneram varataroŭ ŭ pieršalihavaj rasiejskaj «Sibiry».

Źmicier Pankaviec

• 0
• 0
• 0
• 0
• 0
• 0
• 0
• 0