Pres-kanferencyja Alaksandra Łukašenki 20 sakavika dla žurnalistaŭ, čalcoŭ uradu, pradstaŭnikoŭ vertykali i pieršakurśnikaŭ Akademii kiravańnia, jakija zaniali pustyja miescy ŭ zali, zaśviedčyła: novaabrany prezydent ničym nie adroźnivajecca ad staraabranaha: lubić vinšavańni, nie adkazvaje na niepryjemnyja pytańni i robić sensacyjnyja pryznańni.
Pres-kanferencyja Alaksandra Łukašenki 20 sakavika dla žurnalistaŭ, čalcoŭ uradu, pradstaŭnikoŭ vertykali i pieršakurśnikaŭ Akademii kiravańnia, jakija zaniali pustyja miescy ŭ zali, zaśviedčyła: novaabrany prezydent ničym nie adroźnivajecca ad staraabranaha: lubić vinšavańni, nie adkazvaje na niepryjemnyja pytańni i robić sensacyjnyja pryznańni.
Jon zajaviŭ, što 19 sakavika «Boh byŭ ź biełaruskim narodam. Nidzie nie było takoj žudasnaj zaviei, jak na hetaj płoščy». Potym usie pačuli, što ŭdzielnikam padziejaŭ – 14–15-hadovym junakam – na płoščy zapłacili pa 20 tys. rubloŭ. Potym Łukašenka zajaviŭ, što Milinkieviču patelefanavali z Ameryki j zahadali abviaścić siabie prezydentam. «Jon usiu noč dumaŭ i nie pahadziŭsia. Vialiki dziakuj jamu za heta».
Na pytańnie pra ŭzrovień žyćcia ludziej u «zonie kantrolu» ŭ Vietkaŭskim rajonie, jon adreahavaŭ rezka: «Uron ad avaryi dla Biełarusi skłaŭ kala 300 młrd dalaraŭ. I my samastojna takich hrošaj znajści nia možam. I ja paraiŭ by Amerycy, zamiest taho, kab ukidać sotni miljardaŭ u vajnu, dapamahčy Biełarusi. Voś heta budzie siabroŭski žest».
Na pytańnie žurnalista «NN» (adzinaje pa-biełarusku): «Ci zaležyć ad vas jak ad prezydenta, kab niedziaržaŭnyja hazety («Tovariŝ», «BDH. Diełovaja hazieta», «Narodnaja Vola») znoŭ drukavalisia ŭ Biełarusi?» A.Łukašenka adkazaŭ razhornuta. Pačaŭ z taho, što «vy aploŭvajecie narod. Vam vyhadna drukavacca za miažoj». Na kryk žurnalista (adrazu paśla pytańnia adklučajuć mikrafon, tak što apaniravać prezydentu składana) ab tym, što «NN» vychodzić u Biełarusi, A.Łukašenka dadaŭ: «Nu voś, bačycie – vy charošaja hazeta, drukujeciesia ŭ Biełarusi i budziecie drukavacca nadalej».
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia4
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary