Pieršy sakratar CK KPB Taciana Hołubieva paviedamiła, što 20 listapada na mižnarodnaj sustrečy kamunistyčnych partyj u Atenach pradstaŭniki 72 krainaŭ pryniali zajavu, u jakoj asudzili siabroŭ NATO, što pavialičvajuć cisk na Biełaruś z metaj źmieny kiraŭnictva.
Plan, pavodle słoŭ Hołubievaj, nastupny: ekanamičny šantaž, mižnarodnyja sankcyi, uzbrojenaja intervencyja. U zajavie pravodziacca paraleli miž Biełaruśsiu i KNDR, što taksama pravodzić «niezaležny kurs».
Lider kamsamołu Biełarusi Dźmitry Janienka ździŭleny: «72 partyi? Nia viedaju, jakija. Usie eŭrapiejskija kamunistyčnyja partyi padtrymlivajuć PKB u baraćbie za demakratyju». Što da niezaležnaj palityki, kaža Janienka, dyk «u Biełarusi narod nie biare ŭdziełu ŭ vyznačeńni šlachoŭ svajho raźvićcia, za jaho heta robić adzin čałaviek. Intervencyja j destabilizacyja — bajki praŭładnaj KPB».
Kamientary