Druhija
U minułyja vychodnyja ŭ Finlandyi najmacniejšyja chakiejnyja kamandy Eŭropy zmahalisia za Kubak Karjały. U hety čas nacyjanalnaja zbornaja Biełarusi brała ŭdzieł u druhim etapie rozyhryšu turniru dla kamandaŭ druhoha ešalonu — «Eŭrapiejskim chakiejnym vykliku». U turniry, što prajšoŭ na novaj radzimie Słavamira Adamoviča, aproč biełarusaŭ i haspadaroŭ brała ŭdzieł taksama zbornaja Danii. Biełarusy jakraz i pieramahli datčan ź likam 4:1, adnak prajhrali narvežcam ź likam 0:4. U vyniku zaniali druhoje miesca.
Nastupny etap Eŭravykliku z udziełam suajčyńnikaŭ maje prajści ŭ lutym u Miensku z udziełam Ukrainy, Estonii i Polščy. U hety ž čas najmacniejšyja kamandy śvietu buduć brać udzieł u Biełaj Alimpijadzie ŭ Turynie.
Jak letaś
Bieraściejski handbolny klub imia A.Miaškova zaviaršyŭ vystupleńni ŭ Lizie čempijonaŭ. Na rachunku BHK adna pieramoha i piać parazaŭ. U apošniaj hulni, što prajšła 13 listapada, bieraściejcy ŭ mienskim Pałacy sportu pieramahli płockuju «Visłu» ź likam 28:22. Adnak matč užo ničoha nie vyrašaŭ.
Piramida ŭ Miensku
U stalicy prajšoŭ finał Kubku Eŭropy pa biljardnym sporcie ŭ razradzie «piramida». Pieramoh ukrainiec Alaksandar Bojka, jaki ŭ finale abyhraŭ jašče adnaho pradstaŭnika Ŭkrainy Arcioma Maisiejenku. Treciaje miesca — u biełarusa Alaksandra Kaściukaŭca. Padčas finalnaha etapu prajšoŭ taksama turnir pa «bilii» — admysłovym biljardnym šoŭ na pryzy žodzinskaha majstra pa vytvorčaści kijoŭ Siarhieja Kajukova.
Hałoŭnaje spabornictva sezonu — čempijanat śvietu z 23 pa 27 listapada ŭ Kazachstanie.
AR, belapan.com, belta.by
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»17
Kamientary