Stužki Makara: tłumačyć Aleh Ałkajeŭ

U piatnicu na sajcie byłoha kandydata na pasadu prezydenta Alaksandra Kazulina (www.kozylin.com) źjaviŭsia artykuł «Tajnaje stanovicca jaŭnym» eks‑načalnika mienskaha śledčaha izalatara Aleha Ałkajeva, jaki ciapier žyvie ŭ Niamieččynie.

Siarod inšaha, u artykule, jaki zbolšaha pryśviečany asobie Alaksandra Kazulina, źmiaščajecca razdrukoŭka razmovy, jakaja, jak śćviardžajecca, adbyłasia pamiž ministram unutranych spraŭ Uładzimieram Navumavym i byłym specnazaŭcam Iharam Makaram, jaki ŭ toj čas pracavaŭ u vybarčym štabie Alaksandra Kazulina. Kali vieryć aŭdyjozapisu, vynikaje, što ministar sprabavaŭ zaverbavać Makara.

Nieŭzabavie paśla vybaraŭ Makar paprasiŭ palityčny prytułak u Niamieččynie, dzie ciapier i znachodzicca. Nia tak daŭno Ihar Makar vyjšaŭ na Aleha Ałkajeva, pradstaviŭšy hety aŭdyjozapis. U chutkim časie źjaviŭsia hety artykuł Ałkajeva.

Źviazacca ź Iharam Makaram nam nie ŭdałosia, bo jon praktyčna całkam abmiežavaŭ svaje kantakty. Zatoje na suviaź vyjšaŭ Aleh Ałkajeŭ. Jon adrazu pahadziŭsia adkazać na ŭsie pytańni źviazanyja z hetaj spravaj.

Ałkajeŭ adrazu zajaviŭ, što ličyć hetyja zapisy całkam sapraŭdnymi i navat nie dapuskaje dumki, što jany mohuć być falšyvymi: «Ja pierakanany ŭ hetym na 100 %, bo dobra znajomy i z Karpiankovym, i z Navumavym. Viedaju ich manieru i styl viadzieńnia pracy, tamu ŭ sapraŭdnaści hetych zapisaŭ navat nie sumniajusia».

Ałkajeŭ raskazaŭ, što ŭpieršyniu hetyja aŭdyjofajły jon prasłuchaŭ jašče zimoj, ale ŭ ruki jamu jany patrapili tolki tydzień tamu ad Ihara Makara, jon ža daŭ dazvoł na ich publikacyju.

Što datyčyć samoha Makara, to Ałkajeŭ nastupnym čynam charaktaryzuje hetaha čałavieka: «Ź Iharam Makaram ja krychu znajomy jašče ź Miensku, adnak naŭskidku, mahčyma, i nie paznaŭ by jaho, ale jon mianie dobra viedaŭ, tamu i źviarnuŭsia ŭžo ŭ Hiermanii. Jak pra specnazaŭca, havaryć pra Makara nie mahu, bo nia byŭ razam ź im u bajach. Što da asabistych jakaściaŭ, to heta vielmi sabrany i tałkovy čałaviek. Ja b navat skazaŭ, što jon bolej padobny da niemca, čym jany sami na siabie. Ja nahladzieŭsia na šmatlikich biełaruskich emihrantaŭ u Niamieččynu, jakija byli zvyčajnymi žulikami, pra Ihara ja tak skazać nie mahu. Heta dosyć hramatny čałaviek i naša vysokaje načalstva niedaacaniła jaho. Jany vidavočna dumali, što Makar – «sałdacik siaredniaha razumovaha ŭzroŭniu». Adnak Ihar u hetaj spravie vidavočna pierajhraŭ».

BIAZ VAS — NIJAK. Sajt nn.by robicca na Vašy hrošy. Achviaravańnie možna pieravieści ŭ lubym adździaleńni banku, na luboj pošcie. Na bankaŭskaj kvitancyi ŭ hrafie «Vid płaciaža» treba paznačyć: «Achviaravańnie za Internet». U hrafie: «Atrymalnik płaciaža» treba pisać: PVUP «Surodzičy», UNP 190 786 828. U hrafie «Najmienavańnie banku» treba pisać: «MHD AAT «Bielinviestbank», vuł.Kalektarnaja, 11, Minsk, kod 764». U hrafie «Rachunak atrymalnika» — 3012 206 280 014. Pry pierasyłcy hrošaj pa pošcie toje samaje treba pisać u rubrykach «Kamu» i «Kudy». Razdrukavać bankaŭskuju kvitancyju (pdf-fajł 38Kb, A4).

Jakim čynam Makaru ŭdałosia zapisać razmovu? Ałkajeŭ tłumačyć heta nieprafesijanalizmam surazmoŭcy.

Padzialiŭsia Ałkajeŭ i svaim dośviedam u pracy verboŭki ludziej: «Ja ž zaverbavaŭ tysiačy čałaviek, u asnoŭnym kryminalnikaŭ i złačyncaŭ, viedaju, jak heta robicca. Verboŭka pavinna prachodzić u režymie adzin na adzin, niechta treci tut vidavočna lišni, jak u šlubnuju noč. Heta ŭžo nia sprava, kali niechta niešta ŭbačyŭ, inšy – pačuŭ, a treci – padumaŭ. Takaja verboŭka nikoli nia budzie efektyŭnaj. Kali b dali zaniacca hetym upraŭleńniu kryminalnaha vyšuku, to Makar navat nia piknuŭ by, a siadzieŭ by moŭčki, tak by jany ŭsio prafesijna zrabili. Razumiejecie, kali idzie praces verboŭki, to kožny z bakoŭ musić mieć svaje kontramiery, bo nie viadoma jašče, chto kaho verbuje. U Makar takija miery akazalisia».

Aleh Ałkajeŭ pierakanany, što hramadzkaść nie pačuje ad Uładzimiera Navumava pryznańnia ŭ ździejśnienym ci rapartu ab adstaŭcy. «Heta absalutna biessumlennyja ludzi. Pierakanany, što Navumaŭ skaža, što heta chłuśnia. Pamiatajecie, jak u jaho zapytalisia, ci čytaŭ jon rapart Ałkajeva pa spravie źnikłych, jon adkazaŭ, što nie. Paśla, kali vyśvietliłasia, što ŭsio ž čytaŭ, jon ščyra adkazaŭ: «Nu, schłusiŭ. I što? Heta žart byŭ taki». Ciapier jon moža zrabić taksama», – kaža Ałkajeŭ.

Taksama były načalnik mienskaha śledčaha izalatara prosić źviarnuć uvahu na nastupny aspekt hetaj razmovy: «Samaje hałoŭnaje ŭ hetych zapisach toje, što los Kazulina byŭ viadomy jašče zadoŭha da jahonaha aryštu. Toje, što jon patrapić u turmu, było niepaźbiežnym. Pra heta, siarod inšaha, i kazaŭ Navumaŭ Makaru. Darečy, u pačatku červienia u turmie akazaŭsia adstaŭny padpałkoŭnik KHB Michałap – heta blizki siabar Kazulina. Hety aryšt taksama nie vypadkovy, pra jaho Makaru taksama kazaŭ surazmoŭca».

Ciapier adna z kopij zapisu razmovy ministra z Makaram znachodzicca ŭ byłoha palitviaźnia Siarhieja Skrabca, jon abiacaje bližejšymi dniami vystavić ich u Internet.

U pres‑słužbie ministerstva ŭnutranych spravaŭ pakul nijak nie kamentujuć hetyja padziei.

Źmicier Pankaviec

* * *

Pavialičyć

Na sajcie eks-kandydata ŭ prezydenty Alaksandra Kazulina źjaviŭsia artykuł palityčnaha ŭciekača Aleha Ałkajeva. Były načalnik staličnaj turmy, jaki ŭ 2001 hodzie atrymaŭ palityčny prytułak u Niamieččynie, publikuje rasšyfroŭku hutarki, jak jon śćviardžaje, ministra ŭnutranych spravaŭ Uładzimiera Navumava ź Iharam Makaram.

Makar, były bajec specnazu, achoŭvaŭ u časie kampanii Alaksandra Kazulina. U sakaviku pierad vybarami surazmoŭca Makara, kali vieryć zapisu, sprabavaŭ jaho pieraverbavać abo prynamsi zapałochać, kab jon adroksia palityka, jaki pierajšoŭ u apazycyju.

A što vy dumajecie pra heta?
Źmiaścicie svoj kamentar
da hetaha artykułu.
Chaj ludzi vas pačujuć!

Paśla aryštu Kazulina Makar pakinuŭ Biełaruś i paprasiŭ palityčnaha prytułku ŭ Niamieččynie.

Na zapisie surazmoŭca Makara razvažaje ab prezydentu Łukašenku, vybarach 2006 hodu, stanie orhanaŭ unutranych spravaŭ. Leksyka pieravažna niecenzurnaja.

Fota Andreja Lankieviča

• 0
• 0
• 0
• 0
• 0
• 0
• 0
• 0