«Нешта яшчэ» і «Кветка ля дарогі»
Камэдыйная мэлядрама Вудзі Алэна і “дарожны” трымценьнік з Крыстафэрам Ламбэртам.
СТВ, 00.45
Кветка ля дарогі (The Road Killers)
ЗША, 1994, каляровы, 89 хв.
Рэжысэр: Дэран Сараф’ян
Ролі выконваюць: Крыстафэр Ламбэрт, Крэйг Шэфэр, Дэйвід Аркет, Джош Бролін, Мішэль ФорбзДжозэф Гордан-Левіт
Жанр: Трымценьнік
Дзьве добрапрыстойныя амэрыканскія сям’і адправіліся на адпачынак. На шашы 666 (!) хлопчык выйшаў з машыны паглядзець на прыдарожную кветку… Так пэрсанажы стужкі пазнаёміліся з маньякам. Галоўны герой (Крыстафэр Ламбэрт) бярэ ў рукі зброю – і распачынае подзьвігі амэрыканскага “горца”.
Арыгінальная назва – “Дарожныя забойцы”, што болей пасуе фільму.
АНТ, 01.05
Нешта яшчэ (Anything Else)
ЗША – Францыя – Нідэрлянды – Вялікабрытанія, 2003, каляровы, 108 хв.
Рэжысэр: Вудзі Алэн
Ролі выконваюць: Джэйсан Бігз, Крыстына Рычы, Вудзі Алэн, Стокар Чэнінг, Дэні Дэ Віта, Кэдзі Стрыклэнд, Джымі Фэлан
Жанр: Камэдыйная мэлядрама
Адзнака: 6,5 (з 10)
Пісьменьнік Джэры Фолк (Джэйсан Бігз) зь першага позірка закахаўся ў маладую жанчыну Аманду (Крыстына Рычы, “Сонная лагчына”). Джэры неаднойчы чуў фразу, што жыцьцё – гэта “Anything Else” – нешта яшчэ, але жыцьцё з Амандай ні на што не падобна…
У любых стасунках адна асоба заўжды цяжкая на пад’ём – і Джэры гэта прыйдзецца вынесьці на ўласным горбе. Сытуацыя ўскладняецца трагікамічнымі інтэлектуальнымі гульнямі, якія так любіць Алэн. Рэжысэр ахарактарызаваў сваю стужку так: "Гэта рамантычная камэдыя пра аматара жаночых ножак, які, сустрэўшыся з гарвардзкай прафэсаркай, якая піша кнігу па экзістэнцыйнай філязофіі, улюбляецца ў ейныя творы – творы, складзеныя ўладальніцай такіх цудоўных, цудоўных, цудоўных ножак..."
Вудзі Алэн у сваёй карціне не на галоўнай ролі, але таксама “мітусьліва” прысутнічае.
Цяпер чытаюць
Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала11
Каментары