Адмыслоўцы зазначаюць, што прапанаваны маладымі гарадзенцамі праект у большай ступені адпавядае Генпляну развіцьця Горадні, зацьверджанаму прэзыдэнтам у 2003 г.
У аўторак у БелНДІгорадабудаўніцтва на міністэрскім узроўні адбыўся разгляд альтэрнатыўнага праекту арганізацыі руху транспарту ў абыход гістарычнай частцы горада, прапанаваны гісторыка‑краязнаўчым таварыстваь « Этна».
Прысутнічалі ўпаўнаважаныя прадстаўнікі Міністэрства архітэктуры і будаўніцтва, Міністэрства культуры, галоўныя архітэктары Горадні і Гарадзенскай вобласьці, дырэктар інстытута «Горадняграмадзянпраекту», супрацоўнікі БелНДІгорадабудаўніцтва, якія рабілі Генэральны план Горадні.
Менскія спецыялісты адзначаюць, што прапанаваны маладымі гарадзенцамі праект у большай ступені адпавядае Генплану развіцьця Горадні, зацьверджанаму прэзідэнтам у 2003 годзе, а таксама комплекснай схеме транспарту, зацьверджанай у 2005‑м годзе.
Паколькі куратара гарадзенскага альтэрнатыўнага праекту Андрэя Вашкевіча не было, удзельнікі мерапрыемства вырашылі паўторна сабрацца у пашыраным складзе ў Горадні.
Каментары