Украіна ў 2011 годзе сабрала рэкордны ўраджай збожжа ў аб’ёме 55 млн тон, што дазволіць паставіць на замежныя рынкі 27 млн тон у сезоне 2011/2012,заявілі прадстаўнікі МінАПК.
Украіна паставіла на замежныя рынкі 12,7 млн тон збожжа ў мінулым сезоне, калі збор складаў 39,2 мільёна тон.
Па словах кіраўніка дэпартамента рынкаў МінАПК Сяргея Квашы, краіна ўжо экспартавала каля 6 мільёнаў тон збожжа, а да канца года аб’ём продажаў на замежныя рынкі дасягне 10 мільёнаў тон. Кваша кажа, што пшаніца і кукуруза дамінуюць у экспарце.
Высокі ўраджай дазволіў чыноўнікам зрабіць рэкордныя прагнозы на будучыя пяць гадоў, і, па словах Квашы, у 2015 годзе Украіна збярэ 80 млн тон збожжа.
Чыноўнік кажа, што ўраджайнасць 52 цэнтнера з гектара і плошчы сяўбы ў 15 мільёнаў гектараў робяць гэты прагноз рэальным. У 2011 годзе сярэдняя ўраджайнасць склала 37 цэнтнераў.
Аналітыкі лічаць такія прагнозы занадта аптымістычнымі і кажуць пра магчымы рост ураджаю да 60–62 млн тон толькі да 2020 года.
Цяпер чытаюць
Няўдалае тэхнічнае рашэнне дорага абышлося арганізатарам галасавання ў Каардынацыйную раду7
Каментары