Поўны рэванш КДБ. Фігуранты «справы Грамовіча» прызнаныя невінаватымі
Справе, якую вяла следчая Байкова, не далі ходу.
Беларускі вайсковы суд (БВС) 15 лістапада абвясціў прысуды па «справе Грамовіча». Амаль усім фігурантам вынесеныя апраўдальныя прысуды.
Слуханне справы пачалося 21 мая 2010 года, пасяджэнні праводзіліся ў закрытым фармаце. Да крымінальнай адказнасці былі прыцягнуты 36 чалавек, большасць з якіх з’яўляліся службовымі асобамі мытні «Заходні Буг» (у тым ліку два намеснікі начальніка мытні і начальнік паста) і Упраўлення КДБ па Брэсцкай вобласці (былы намеснік начальніка ўпраўлення, а таксама начальнік аддзела па барацьбе з арганізаванай злачыннасцю і карупцыяй). Паводле ацэнак следства, ад нявыплаты мытных плацяжоў дзяржаве быў нанесены ўрон у памеры звыш 30 млрд рублёў.
У СМІ гэтая справа назвалі «справай Грамовіча» па прозвішчы арыштаванага 15 студзеня 2009 г. былога дырэктара Дэпартамента фінансавых расследаванняў Камітэта дзяржкантролю, а раней намесніка начальніка Упраўлення КДБ па Брэсцкай вобласці Анатоля Грамовіча.
У выніку БВС прыняў рашэнне спыніць вытворчасць па крымінальнай справе ў дачыненні да дзевяці фігурантаў за адсутнасцю ў іх дзеяннях складу злачынства. Гэтыя людзі маюць права на поўную рэабілітацыю, аж да аднаўлення на ранейшым працоўным месцы.
Яшчэ 25 абвінавачаных прызнаныя невінаватымі за недаказанасцю ў частцы учыненых злачынстваў. У іх ліку Анатоль Грамовіч і былы намеснік начальніка мытні «Заходні Буг» Яўген Селіванаў.
У дачыненні да яшчэ чатырох абвінавачаных крымінальныя справы, па рашэнні БВС, павінны быць накіраваны ў Генеральную пракуратуру для новага папярэдняга расследавання.
Суд улічыў, што па цэлым шэрагу інкрымінаваных артыкулаў скончыліся тэрміны даўнасці прыцягнення да крымінальнай адказнасці і на гэтай падставе крымінальныя справы спыненыя. У той жа час, як стала вядома з абвешчанай часткі прысуду, вельмі многія абвінавачаныя ў ходзе папярэдняга следства добраахвотна выдавалі незаконна нажытую валюту.
Усе гэтыя грошы — звыш 150 тысяч даляраў — рашэннем суда звернутыя ў прыбытак дзяржавы.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Каментары