Міністэрства замежных справаў Чэхіі абвяргае чуткі.
Міністэрства замежных справаў Чэхіі абвяргае чуткі аб перадачы банкаўскай інфармацыі аб беларускіх апазыцыйных палітыках і грамадзкіх актывістах Беларусі.
Дырэктар эўрапейскага дэпартамэнту МЗС Чэхіі Яраслаў Курфюрст у эфіры чэскага радыё заявіў:
«Вядома, мы чулі гэтую інфармацыю і неадкладна пачалі праверку яе дакладнасьці.
Зьвязаўшыся з усімі магчымымі чэскімі дзяржаўнымі органамі (Міністэрствам юстыцыі і іншымі), мы ня выявілі ніводнага выпадку, каб Чэхія перадалаякую-небудзь інфармацыю аб беларускай апазыцыі і іх банкаўскія рахункі беларускаму рэжыму».
Яраслаў Курфюрст дадаў, што лічыць падобныя запыты беларускага боку парушэньнем міжнародных дамоўленасьцяў, якія «створаныя для іншых мэтаў» і «яшчэ больш аддаляе рэжым Лукашэнкі ад цывілізаванага сьвету».
Раней кіраўнік Міжнароднага цэнтру грамадзянскіх ініцыятываў «Наш Дом» Вольга Карач паведамляла «Эўрарадыё», што беларускі бок пытаўся ў чэскіх калег аб рахунках арганізацыі. Крыніца ў Празе запэўніла, што на «Наш Дом» ніякай сур’ёзнай інфармацыі Беларусі не перадавалі.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары