«Міліцыянты прасілі і мяне адамкнуць дзверы, каб «пагаварыць». Праўда, пра што — не казалі», — распавядае З.Хведарук.
Супрацоўнікі міліцыі затрымалі лідэра «Маладога фронту» Змітра Дашкевіча, паведамляе радыё «Свабода». Гэта адбылося, як толькі хлопец выйшаў з пад’езда дома. Відавочцы паведамілі, што да яго падбеглі людзі ў цывільным.
Зміцер спрабаваў патлумачыць, што ў іх няма падставаў яго затрымліваць. Але хлопца скруцілі і закінулі ў мікрааўтобус сіняга колеру.
Паплечнікі Дашкевіча мяркуюць, што, паколькі затрыманне адбылося на тэрыторыі Фрунзенскага раёна, лідэр «Маладога фронту» ўтрымліваецца ў пастарунку Фрунзенскага РУУС.
Да моладзевай актывісткі Паўліны Дзякавай міліцыянты сёння прыйшлі дахаты і прынеслі на подпіс пракурорскае папярэджанне аб недапушчэнні парушэння заканадаўства аб масавых мерапрыемствах. Дзяўчына адмовілася яго падпісаць.
Таксама міліцыянты спрабавалі трапіць у жытло моладзевых актывістаў Змітра Хведарука, Міколы Дземідзенкі і Кацярыны Людвіг.
«Міліцыянты прасілі і мяне адамкнуць дзверы, каб «пагаварыць». Праўда, пра што — не казалі», — распавядае З.Хведарук. Ён не ведаў, ці на момант размовы з карэспандэнтам «НН» праваахоўнікі сышлі з яго пад’езда. Хведарук ацэньвае сённяшнія візіты і затрыманне Дашкевіча як спробу націснуць на актывістаў напярэдадні Плошчы.
Няўдалае тэхнічнае рашэнне дорага абышлося арганізатарам галасавання ў Каардынацыйную раду12
Каментары