У акцыянаванні Беларускай чыгункі пакуль няма неабходнасці. Такое меркаванне выказаў 2 снежня напрэс-канферэнцыі начальнік БЧ Анатоль Сівак.
«Свае планы па продажы акцый і прыцягненні прамых інвестыцый мы не выбудоўваем. Не лічым, што гэта неабходна рабіць цяпер», — падкрэсліў начальнік БЧ.
«У той жа час, калі ва ўрада і будуць такія планы, то яны будуць чымсьці абгрунтаваныя», — дадаў Сівак.
Тлумачачы свой пункт гледжання, ён адзначыў, што БЧ — адна з нямногіх чыгунак, якія не атрымліваюць грошай з бюджэту. Начальнік БЧ нагадаў, што Расійскія чыгункі сталі акцыянерным таварыствам, пачалі атрымліваць значныя сродкі з бюджэту. «У чым тут выйсце? Калі раней РЧ мелі элементарны парк і спраўляліся з наяўным аб’ёмам перавозак, але з меншымі тарыфамі, пры гэтым не беручы грошай з бюджэту, то сёння іх парк вырас, з’явіліся прыватнікі, значна выраслі і тарыфы, і грошы пайшлі з бюджэту», — сказаў Сівак.
Пры гэтым ён падкрэсліў, што сёння чыгунка і транспартная інфраструктура ў цэлым — гэта частка бяспекі дзяржавы.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»18
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары