Кіраўніцтва ГА «Таварыства беларусай мовы імя Францішка Скарыны» зьвярнулася зь лістом да прэм’ер-міністра Сяргея Сідорскага, у якім заклікае яго скасаваць рашэньне Міністэрства адукацыі аб пераводзе выкладаньня гісторыі Беларусі і геаграфіі на расейскую мову.
Кіраўніцтва ГА «Таварыства беларусай мовы імя Францішка Скарыны» зьвярнулася зь лістом да прэм’ер-міністра Сяргея Сідорскага, у якім заклікае яго скасаваць рашэньне Міністэрства адукацыі аб пераводзе выкладаньня гісторыі Беларусі і геаграфіі на расейскую мову.
Нагадаем, што выкладаньне гісторыі Беларусі і геаграфіі у старэйшых клясах расейскамоўных школаў з 1 верасьня пераведзенае на расейскую мову. Міністар адукацыі Аляксандар Радзькоў падрыхтаваў адпаведны інструкцыйны ліст.
У гутарцы з карэспандэнтам «НН» старшыня ТБМ распавёў наступнае. Зварот да прэм’ера матываваны тым, што інструкцыя міністра адукацыі – гэта не дэкрэт ці ўказ прэзыдэнта, або зьмена ў законе аб адукацыі. Таму, на думку А.Трусава, скасаваньне гэтага рашэньня не запатрабуе складаных працэдурных мерапрыемстаў з боку кіраўніка ўраду. «Мы адаслалі афіцыйныя лісты, а таксама падтрымалі ідэю збору подпісаў за скасаваньне рашэньня Міністэрства адукацыі», – кажа сп. Трусаў. Паводле ягоных словаў, збор подпісаў дае свой плён. Так, зь Міністэрства адукацыі адказалі, што пераход на расейскую мову выкладаньня будзе адбывацца са згоды мясцовых уладаў. «У Лідзе мясцовыя ўлады пастанавілі пакінуць выкладаньне гісторыі Беларусі па-беларуску. А вось менскія ўлады апэлююць да распараджэньня міністра Радзькова», – кажа А. Тусаў. Таму кіраўніцтва ТБМ зьвярнулася зь лістом да міністра Радзькова, у якім даводзіць, што канчатковае слова ў вырашэньні моўнага пытаньня мусіць быць за настаўнікамі-прадметнікамі, вучнямі і іх бацькамі. Алег Трусаў з аптымізмам зазначае, што прайшлі тыя часы, калі ў такія момнты ўсе чакалі на ТБМ: «Цяпер людзі самі распачынаюць збор подпісаў ці ладзяць акцыі ратэсту. Мы толькі падтрымліваем гэтыя ініцыятывы». Прыкладам такой самаарганізацыі сп.Трусаў назваў ініцыятыву па зборы подпісаў берасьцейскіх настаўнікаў, якія жадаюць працягваць выкладаньне сваіх прадметаў па-беларуску. На ягоную думку, толькі збор подпісаў, калі ў адпаведную структуру дасылаецца пэрсанальны ліст, здольны прынесьці перамогу. Такія звароты грамадзянаў нельга пакінуць без адказу, бо гэта агаворана законам. «Я нават ведаю патрэбную лічбу – 50 тысячаў подпісаў вырашылі пытаньне беларусізацыі нашых элктрычак».
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары