Давядзецца правесці рэканструкцыю як саміх інжынерных сетак, так і чашы.

Рэканструкцыю фантана каля Палаца культуры «МАЗ» плануюць завяршыць да пачатку наступнага сезона фантанаў. Пра гэта расказаў гендырэктар «Мінскзелянбуда» Аляксандр Ермаловіч, пішуць «Мінск-Навіны».
На балансе «Мінскзеленбуда» знаходзяцца 42 фантаны, два з якіх сёлета былі перададзеныя службам ЖКГ.
— Адзін з іх размешчаны на вуліцы Маякоўскага, побач з будынкам адміністрацыі Ленінскага раёна. Ён меў патрэбу толькі ў невялікім рамонце і ўжо функцыянуе, — адзначыў Аляксандр Ермаловіч.
Другі перададзены аб’ект знаходзіцца на Партызанскім праспекце, побач з Палацам культуры «МАЗ». Сітуацыя тут больш складаная, бо ўсе камунікацыі фантана прыйшлі ў непрыдатнасць.
— Фактычна давядзецца правесці рэканструкцыю як саміх інжынерных сетак, так і чашы. Але я ўпэўнены, што мы дадзім з гэтым рады за зімовы перыяд, да наступнага сезона працы фантанаў. У наступным годзе гэты аб’ект набудзе крыху іншы выгляд і запрацуе, — запэўніў генеральны дырэктар «Мінскзелянбуда».
Ермаловіч спыніўся на пытанні працы фантана над гандлёвым цэнтрам «Сталіца» на плошчы Незалежнасці, які працуе не заўсёды.
— Праца кожнага фантана вядзецца паводле графіку. Гэта звязана як з тэхнічнымі магчымасцямі помпаў, так і з неабходнасцю ачышчэння чашы, паколькі зліўныя адтуліны забіваюцца смеццем і лісцем. Рэжым працы мы ўзгадняем з адміністрацыямі адпаведных раёнаў, — сказаў А. Ермаловіч.
-
Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай
-
Па даручэнні Лукашэнкі праводзіцца праверка боегатоўнасці ў манеўраных групах памежнай службы
-
Таксіста і былога ахоўніка «Еўраопта» з Баранавічаў абвінавачваюць па палітычным артыкуле
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары