Вынік апошняга матча за выхад у чвэрцьфінал мундыялю вырашыла серыя пенальці
У 1/8 фіналу чэмпіянату свету зборная Швейцарыі перамагла Калумбію ў серыі пенальці пасля нічыёй 0:0 ў асноўны і дадатковы час.
Матч у Ванкуверы атрымаўся вельмі закрытым і асцярожным. Абедзве каманды мала стваралі небяспечных момантаў, а гульня праходзіла пераважна ў цэнтры поля. У першым тайме брамнікі справіліся з рэдкімі ўдарамі, а пасля перапынку актыўнасць у атацы таксама была невысокай.
Калумбіі не хапала нападаючага Джона Кардобы, які не гуляў у гэтым матчы. Без яго каманда выглядала менш востра ў атацы. Найбольш небяспечны момант калумбійцы стварылі ўжо ў дадатковы час, калі пасля падачы з вуглавога Джон Лукумі галавой трапіў у перакладзіну.
Швейцарыя ў асноўным абаранялася і разлічвала дацягнуць да серыі пенальці. У канцы дадатковага часу добры шанец меў Зекі Амдуні, але брамнік Каміла Варгас выратаваў Калумбію.
У серыі пенальці ключавым стаў промах калумбійца Давінсана Санчэса, які трапіў у перакладзіну. Пазней жа швейцарскі брамнік Грэгар Кобель адбіў удар Хуана Эрнандэса. У выніку швейцарцы перамаглі 4:3 і выйшлі ў чвэрцьфінал, дзе сустрэнуцца з Аргенцінай.
Іншыя чвэрцьфінальныя пары: Іспанія — Бельгія, Англія — Нарвегія і Францыя — Марока.
Аргенцінцы прайгравалі Егіпту 0:2, але змаглі вырваць перамогу. Ізноў Месі!
«Гэты дзікун чуў толькі пра шымпанзэ». Парагвайская сенатарка справакавала расісцкі скандал з Мбапэ
Крышціяну Раналду не змог стрымаць слёз пасля вылету Партугаліі з чэмпіянату свету ФОТАФАКТ
Трамп пацвердзіў, што асабіста прасіў кіраўніка ФІФА не дыскваліфікоўваць форварда зборнай ЗША перад 1/8 фіналу
Бельгія з грукатам выбіла ЗША з чэмпіянату свету
Памілаваныя 15 чалавек, сярод якіх 13 палітвязняў15
Каментары