У Ваўкавыску прыгатавалі самую вялікую піцу ў Беларусі, паведаміў расійскаму выданню Sputnik галоўны эксперт нацыянальнага рэестра Кнігі рэкордаў Беларусі Кірыл Шымко.
Прыгатаваў цар-піцу шэф-кухар Арыф Шамсіеў, а вырабіў Ваўкавыскі мясакамбінат. За гэта прадпрыемству ўручаны сертыфікат Кнігі рэкордаў Беларусі.
Прыгатаванне мега-піцы адбылося на мясцовым фестывалі «PROжарка па-ваўкавыску», а паглядзець на працэс прыгатавання сабралася шмат людзей.
Памеры гатовай піцы дасягнулі 5 метраў 50 см у дыяметры.
«Піца была прыгатаваная на спецыяльна зробленай печы на дровах з цаглінамі. Спецыяльна была вырабленая 6‑метровая бляха (дэка), на якой прыгатавалі такую страву», — расказаў Кірыл Шымко.
Назвалі страву «Італьянскай піцай па-ваўкавыску».
Раней, у лютым гэтага года, у Беларусі быў зафіксаваны яшчэ адзін ядомы рэкорд — на Масленіцу ў Баранавічах спяклі трохметровы блін-гігант, ён таксама быў уключаны ў Кнігу рэкордаў Беларусі.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?3
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1919
Каментары
Усё, як тут прынята.