Аднак гэта не перашкодзіла экспертам атрымаць з гаджэта цікавую інфармацыю.
33‑гадовага беспрацоўнага жыхара Мінскай вобласці супрацоўнікі наркакантролю затрымалі ў цэнтры Магілёва ў верасні 2025 года. Падчас асабістага вобшуку пры ім выяўленыя ў пластыкавай бутэльцы і шэйкеры закладкі, якія ён захоўваў з мэтай збыту.
Жадаючы схаваць лічбавыя сляды злачыннай дзейнасці, свой мабільны тэлефон мужчына паспрабаваў зламаць, аднак экспертам Дзяржаўнага камітэта судовых экспертыз па Магілёўскай вобласці ўдалося аднавіць працаздольнасць разбітага гаджэта.
Далей эксперты дасталі з памяці тэлефона перапіску і фатаграфіі месцаў закладак з геаграфічнымі каардынатамі.
Дзякуючы гэтаму выйшлі на некалькі схованак у Магілёўскім раёне, з якіх канфіскавалі яшчэ каля сотні закладак.
Згодна з вынікамі экспертыз наркатычных сродкаў, псіхатропных рэчываў, іх аналагаў і прэкурсораў, канфіскаваныя ў мужчыны і ў схованках закладкі ўтрымлівалі асабліва небяспечнае псіхатропнае рэчыва альфа-pvp агульнай масай больш за 200 грамаў.
Фрагменты клейкай стужкі, фольгі і іншага матэрыялу для ўпакоўкі, электронныя шалі, канфіскаваныя ў затрыманага, з мэтай выяўлення ДНК даследаваныя экспертамі-біёлагамі.
На шэрагу аб'ектаў выяўленыя эпітэліяльныя клеткі, якія з высокай ступенню верагоднасці былі названага мужчыны.
Мужчына прызнаўся, што ўладкаваўся закладчыкам у наркашоп, прайшоўшы па спасылцы ў месенджары, і прапрацаваў у складзе арганізаванай злачыннай групы ўсяго каля тыдня.
Па заданні куратара прыбыў у Магілёў, арандаваў кватэру, забраў аптовую партыю псіхатропу, якую расфасаваў на дробныя закладкі, але распаўсюдзіць усё не паспеў (таксама як і атрымаць абяцанае ўзнагароджанне), бо яго з доказамі злачынства затрымаў наркакантроль.
Прысуд — 10 гадоў пазбаўлення волі ў папраўчай калоніі ва ўмовах узмоцненага рэжыму са штрафам 100 базавых адзінак (4500 рублёў)
Цяпер чытаюць
Польскі дыпламат расказаў, як прывозіў Колю мультфільмы на дысках і кім для сям'і Лукашэнкаў быў Макей8
Каментары