У выдавецтве «Дыграф», нядаўна заснаваным заўчасна памерлым Раманам Цымберавым, выйшла кніга Міколы Захаранкі, лаўрэата Літаратурнай прэміі імя Міхася Стральцова.
Выданне выбраных твораў пад назвай «На тым краі зямлі», якое і ёсць ўласна ўзнагародай пісьменніку, змяшчае паэзію, прозу і публіцыстыку, піша bellit.info.
Журы прэміі прысудзіла ўзнагароду Міколу Захаранку «За творчае ўвасабленне і захаванне класічных літаратурных традыцый, вернасць мове палескай глыбінкі, метафарычна-фальклёрнае асваенне духоўнага свету беларусаў».
Апавяданні ў кнізе «На тым краі зямлі» сюжэтна-займальныя, населеныя пазнавальнымі героямі палескай глыбінкі. Трагедыя і святочная весялосць іхняга жыцця нібы знутры падсвечаныя напаўказачным святлом. І вершы і апавяданні напісаныя вельмі жывой мовай, якая часта збліжаецца з мовай тых самых персанажаў. Публіцыстычная частка кнігі змяшчае артыкулы на востра-сацыяльныя тэмы.
Рэдактаркай выбранага «На тым краі Зямлі» выступіла Аксана Спрынчан.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя12
Каментары