У судзе Дрыбінскага раёна вынеслі прысуд па справе аб хуліганстве і знявазе дзяржаўнага сцяга, фігурантамі якой сталі 17‑гадовы хлопец і 20‑гадовая дзяўчына, паведаміла Генеральная пракуратура.
Паводле матэрыялаў следства, інцыдэнт адбыўся восенню 2025 года ў адной з вёсак раёна. Менавіта дзяўчына, як сцвярджае абвінавачанне, падбіла свайго непаўналетняга знаёмага на небяспечны ўчынак.
Падлетак сарваў дзяржаўны сцяг з фасада аддзялення банка, пашкодзіўшы пры гэтым як мацаванне, так і само палатно. Па дарозе дадому ён таксама замаляваў чорнай фарбай два дарожныя знакі «Пешаходны пераход». Увесь гэты час дзяўчына знаходзілася побач, а сарваны сцяг пазней захоўваўся ў яе дома.
У судзе хлопец цалкам прызнаў сваю віну і добраахвотна кампенсаваў шкоду. Яму прызначылі адзін год пазбаўлення волі ўмоўна: калі на працягу гэтага года ён не здзейсніць новага злачынства, пакаранне выконвацца не будзе.
Дзяўчына ж віны не прызнала і сцвярджала, што падлетак дзейнічаў самастойна. Аднак суд палічыў доказы яе падбухторвання дастатковымі. Улічылі і тое, што яна ўжо мела судзімасць, а на момант здзяйснення злачынства, паводле экспертызы, знаходзілася «ў стане зніжанай адказнасці».
У выніку ёй прызначылі 3,5 года абмежавання волі без накіравання ў папраўчую ўстанову («хатняя хімія»), а таксама прымусовыя меры бяспекі і лячэння.
Аўтарытарны рэжым, бульба, чырвона-зялёны сцяг і Алексіевіч. Як маладыя людзі з розных краін бачаць Беларусь і беларусаў
Маладым беларускім цяжкаатлетам дазволілі выступаць пад чырвона-зялёным сцягам
«Бабуліна крынка» зрабіла чырвона-зялёны тварожны сырок вагой амаль 10 пудоў ФОТАФАКТ
У Слуцку прадаюць па акцыі карыстаны чырвона-зялёны халадзільнік
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары