Маразы да —20 і моцныя снегапады. Якім будзе надвор'е на наступным тыдні
Сіноптык Дзмітрый Рабаў у эфіры тэлеканала АНТ расказаў, якім будзе надвор’е ў краіне на наступным тыдні, з 5 па 11 студзеня. Па яго словах, сапраўдная зімовая пагода пасля святаў захаваецца на працягу ўсяго тыдня.
Беларусаў чакаюць багатыя снегапады, мароз, парывісты вецер і завеі, якія месцамі пагоршаць бачнасць да 1—3 кіламетраў. У цэлым у першай дэкадзе студзеня тэмпература паветра будзе ніжэйшай за кліматычную норму на 2—3 градусы. Да наступных выхадных вышыня снегавога покрыва ў сярэднім складзе каля 20 см на захадзе краіны і да 40 см на паўночным усходзе.
У панядзелак, 5 студзеня, надвор’е будзе вызначацца ўплывам антыцыклону. Месцамі пройдуць кароткачасовыя снегапады, магчымыя праясненні. Чакаецца слабы галалёд, умераны паўночна-заходні і заходні вецер. Уначы тэмпература панізіцца да —6…—12 градусаў, а на паўночным усходзе — да —17. Днём будзе каля —3…—7, у аўторак, 6 студзеня, стане яшчэ халадней — прыкладна —4…—8.
На праваслаўныя Каляды таксама чакаюцца маразы. Праз краіну пройдзе актыўны паўднёвы цыклон, які прынясе моцныя снегапады. На дарогах магчымыя снежныя заносы і галалёд, вецер будзе парывісты, усходні і паўночна-ўсходні. Уначы — каля —5…—10, удзень — —4…—7.
У другой палове тыдня надвор’е застанецца неспрыяльным: снег пойдзе амаль па ўсёй Беларусі, з-за ваганняў тэмпературы магчымыя туман і галалёд. Начныя маразы дасягнуць —7…—15, удзень у чацвер, 8 студзеня, будзе каля —8, а ў пятніцу, 9 студзеня, — ад —8 да —15.
У выхадныя, 10 і 11 студзеня, надвор’е будуць вызначаць атмасферныя франты з захаду. Прагназуюцца невялікія снегапады, аднак маразы ўзмоцняцца: уначы ў суботу — —6…—12, на паўночным усходзе да —20. Днём у суботу будзе —3…—7, у нядзелю — каля —5 градусаў.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары