Жыхароў Курскай і Белгарадскай абласцей Расіі, дзе былі баі, накіроўваюць у беларускія санаторыі
Жыхары расійскага горада Шабекіна Белгарадскай вобласці і іншых памежных з Украінай раёнаў ужо засяліліся ў санаторыі Беларусі, заўважыла «Свабода».
Расійская ўпаўнаважаная ў правах чалавека Таццяна Маскалькова паведаміла, што ў Беларусь на лячэнне накіроўваюць расейскіх грамадзян, якія пацярпелі падчас баёў у Курскай і Белгарадскай абласцях у расійскай вайне супраць Украіны.
«Пры спрыянні беларускага боку з Белгарада і Курска ў Беларусь адправілася першая група, 410 чалавек. Яе праводзілі супрацоўнікі майго апарату і рэгіянальныя ўпаўнаважаныя Жанна Кірэева і Уладзімір Фірсаў. Перад Новым годам санаторна-курортнае лячэнне пройдуць 770 чалавек — у санаторыях «Буг», «Лётцы», «Прыдняпроўскі», «Чонкі» і санаторыі імя Леніна», — паведамляецца ў тэлеграм-канале Маскальковай.
Маскалькова паведаміла, што арганізавалі адпачынак так званая саюзная дзяржава Беларусі і Расіі, губернатары Курскай і Белгарадскай абласцей і беларускі бок.
Санаторый «Буг» месціцца ў Жабінкаўскім раёне Берасцейскай вобласці, «Лётцы» — у Віцебскім раёне, «Прыдняпроўскі» — у Рагачоўскім, «Чонкі» — у Гомельскім раёне, імя Леніна — у Бабруйску. Ніводзін з гэтых санаторыяў не паведаміў аб прыбыцці групы з Расіі.
Маскалькова, якая нарадзілася ў Віцебску, з 2023 года знаходзіцца пад санкцыямі ЗША, уведзенымі за поўнамаштабную вайну Расіі супраць Украіны.
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы44
Каментары
Хотите - двигайте в Затоку,на Бугаз,в Моршин или Миргород - не путать с Мирноградом. Курортов хватает,милости просим!