Жыхарка Магілёва заключыла шлюбную дамову, каб не плаціць падаткі
У Магілёве прызналі несапраўдным шлюбную дамову, які жанчына заключыла толькі дзеля таго, каб пазбегнуць выплаты падаткаў, пошлін і іншых фінансавых абавязацельстваў.
Паводле інфармацыі пракуратуры, магіляўчанку прызналі вінаватай ва ўхіленні ад аплаты мытных плацяжоў, падаткаў і іншых збораў, а таксама ў незаконнай прадпрымальніцкай дзейнасці. Сума нанесенай шкоды склала больш за 240 тысяч рублёў.
Пасля таго як органы прымусовага выканання пачалі працэс спагнання грошай на карысць дзяржавы і арыштавалі аўтамабіль, зарэгістраваны на мужа жанчыны, яна тэрмінова аформіла шлюбны кантракт. Паводле гэтага дакумента, уся маёмасць, нажытая ў шлюбе, пераходзіла ва ўласнасць мужа, хоць сям’я працягвала жыць разам, весці агульную гаспадарку, а жанчына атрымлівала свой звычайны заробак.
Пракурор звярнуўся ў суд з патрабаваннем прызнаць дамову фіктыўнай — заключанай толькі для выгляду з мэтай пазбегнуць спагнання даўгоў. Суд цалкам задаволіў пазоў і прызнаў шлюбную дамову несапраўднай.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары