Студэнт стаў кур’ерам тэлефонных махляроў і забраў у падманутых мінчан 280 тысяч рублёў
Малады чалавек паверыў у замену дамафона, а потым стаў кур’ерам махляроў, паведамляе сталічная міліцыя.
У міліцыю звярнуўся 64‑гадовы мінчук, які паведаміў пра махлярства. Напярэдадні яму патэлефанаваў невядомы і прадставіўся супрацоўнікам дамафоннай службы. Пад падставай замены ключоў атрымаў асабістыя даныя.
Затым з ім звязаўся нібыта міліцыянт, які паставіў яго перад фактам: маўляў, асабістымі данымі пенсіянера завалодалі махляры і ад яго імя здзяйсняюць незаконныя фінансавыя аперацыі.
Мужчыну запалохалі крымінальным пераследам, запэўніўшы ў неабходнасці «дэкларавання грашовых сродкаў». Пад гэтай падставай ён перадаў нібыта кур’еру Нацбанка больш за 210 тыс.
Супрацоўнікі аддзела крымінальнага вышуку затрымалі кур’ера. Як распавёў намеснік начальніка ўпраўлення крымінальнага вышуку ГУУС Мінгарвыканкама Віталь Сарока, ім аказаўся 20‑гадовы жыхар Віцебскай вобласці, студэнт.
«Раней хлопец сам стаў ахвярай аферыстаў па такой жа схеме. Вядома, што малады чалавек спецыяльна прыехаў у сталіцу, каб выканаць заданне куратара, і акрамя заяўніка наведаў яшчэ тры адрасы, дзе забраў 70 тысяч рублёў і перадаў невядомаму», — дадаў ён.
Цяпер чытаюць
Дар’я Шманай двойчы трапляла ў аварыі ў Маскве на чужым «Мерсэдэсе»17
Каментары