Еўрапарламент уганараваў беларускага палітвязня Анджэя Пачобута прэміяй імя Сахарава
Кіраўнікі палітычных груп і старшыня Еўрапарламента Раберта Метсола назвалі 22 кастрычніка лаўрэатаў прэміі імя Сахарава «За свабоду думкі» 2025 году.
Імі сталі зняволеныя журналісты — Анджэй Пачобут з Беларусі і Мзія Амаглабелі з Грузіі, «якія змагаюцца за вашу і нашу свабоду».
Анджэй Пачобут быў затрыманы 25 сакавіка 2021 года і праз два гады асуджаны на восем гадоў пазбаўлення волі. У жніўні журналіста адправілі ў памяшканне камернага тыпу на паўгода.
***
Прэмія Сахарава за свабоду думкі — гэта штогадовая ўзнагарода Еўрапейскага парламента, якая прызначаецца асобам або арганізацыям, якія адстойваюць правы чалавека і свабоду меркаванняў. Названая ў гонар савецкага фізіка і праваабаронцы Андрэя Сахарава, і прызнаная адной з самых прэстыжных прэміяў у праваабарончай галіне. Першымі лаўрэатамі прэміі сталі ў 1988 годзе на той момант вязень Нельсан Мандэла і ўкраінскі дысідэнт Аляксандр Марчанка.
Ад Беларусі дагэтуль лаўрэатамі прэміі былі Беларуская асацыяцыя журналістаў (2004), Аляксандр Мілінкевіч (2006), беларуская апазіцыя (2020). У мінулым годзе лаўрэатамі прэміі сталі лідары венесуэльскай апазіцыі Марыя Карына Мачада, што сёлета ўзнагароджаная нобелеўскай прэміяй міру, і Эдмунда Гарсія Гансалес.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары