Прадаюць атракцыён «Супер8» з парка Чалюскінцаў. Ён у працоўным стане
Адзін з самых вядомых атракцыёнаў Беларусі «Супер-8» быў дэмантаваны ў 2025 годзе і цяпер выстаўлены на аўкцыён. Інфармацыя пра лот з’явілася на электроннай гандлёвай пляцоўцы «Дзяржгандаль», піша Mlyn.by.
Атракцыён быў пастаўлены ў парку Чалюскінцаў у 2008 годзе. На працягу 17 гадоў ён служыў крыніцай адрэналіну для наведнікаў старэйшых за 14 гадоў, застаючыся самымі вялікімі амерыканскімі горкамі ў краіне. Дэмантаж канструкцыі ў 2025 годзе быў звязаны з афіцыйным заканчэннем тэрміну эксплуатацыі.
Нягледзячы на выведзены з эксплуатацыі статус, прадавец запэўнівае, што стан атракцыёна працоўны. Канструкцыя вагой амаль 85 тон займае плошчу каля 2000 м² і здольная разганяць ваганеткі з 18 пасажырамі да 60 км/г.
Стартавая цана лота — 236 тысяч рублёў. Крок аўкцыёну складае 5%, што азначае, што новы ўладальнік забярэ легенду парку як мінімум за 248 тысяч рублёў.
На таргі выстаўлены яшчэ адзін атракцыён з парку Чалюскінцаў — «Зубр» (таксама вядомы як «Ладдзя»). Гэты дзіцячы атракцыён, выпушчаны ў 2000 годзе, прызначаны для наведвальнікаў ад 9 гадоў і знаходзіцца ў працоўным стане. Яго пачатковая цана значна ніжэй — 34,8 тысячы рублёў.
Таргі, у ходзе якіх вызначыцца лёс абедзвюх славутасцей, стартуюць 27 кастрычніка ў 10:00.
60‑гадовая п’яная беларуска ператварыла палёт з Парыжа ў Вільню ў кашмар3
Каментары