У нядзелю, 28 верасня, у Малдове стартавалі парламенцкія выбары, вынікі якіх могуць вызначыць, ці застанецца краіна на празаходнім курсе, ці паверне да Масквы. На фоне абвінавачанняў у расійскім умяшанні выбары набываюць асаблівую вагу, піша «Еўрапейская праўда».
28 верасня ў 7:00 выбарчыя ўчасткі адкрыліся на тэрыторыі Малдовы і будуць працаваць да 21:00.
Грамадзяне Малдовы будуць выбіраць 101 дэпутата на 4 гады. У выбарах удзельнічаюць 14 партый, 4 выбарчыя блокі і 4 незалежныя кандыдаты.
Прахадны бар’ер для партый складае 5%, для блокаў — 7%, для незалежных кандыдатаў — 2%.
На гэтых выбарах упершыню дзейнічае опцыя паштовага галасавання для грамадзян Малдовы ў 10 краінах. Усяго за мяжой — 301 участак у 41 краіне. Папярэднія выбары паказалі, што пераважная большасць дыяспары падтрымлівае празаходні курс краіны, таму галасы гэтых выбаршчыкаў надзвычай важныя для партыі ўлады «Дзеянне і салідарнасць».
Для грамадзян з Прыднястроўя, якія пераважна падтрымліваюць прарасійскія сілы, адкрыліся 12 участкаў на правабярэжжы Днястра. Месцазнаходжанне некалькіх такіх участкаў змянілі ў апошні момант, патлумачыўшы гэта меркаваннямі бяспекі.
Перад гэтым улада непрызнанага Прыднястроўя таксама абвінаваціла Кішынёў у «правакацыі» ў сувязі з рамонтам усіх сямі мастоў праз Днестр, што таксама можа перашкодзіць даезду выбаршчыкаў.
У сваю чаргу прэзідэнт Мая Санду і ўрад заяўляюць, што чакаюць маштабных спроб Расіі паўплываць на выбары з мэтай прывесці да ўлады «сяброўскія» сілы і сарваць еўраінтэграцыю Малдовы.
Агенцтва Bloomberg раней пісала пра расійскі план уплыву на выбары ў Малдове, BBC апублікавала расследаванне пра дэзінфармацыю ў Малдове перад выбарамі за грошы з Расіі, а Reuters — пра тое, як праваслаўных святароў з Малдовы сістэмна запрашалі ў шчодрыя паломніцкія турнэ ў Маскву і затым прапаноўвалі грошы ў абмен на прапаганду ў інтарэсах Крамля сярод сваіх прыхаджан.
Чаго чакае Польшча ад Мінска і ці закрые зноў мяжу на гэтым тыдні?26
Каментары
Вместо создания собственного, сильного и независимого государства основанного на учёте интересов всех граждан, учитывая преемственность поколений и старые связи по-классике государства бывшего СССР (которые получили современные территории авансом в знак дружбы с Россией) не могут проводить самостоятельный курс. У них либо евроколхоз либо рашка. Главный выгодополучатель в лице председателя ЦК ДПЕС которому ни Украина, ни Беларусь ни тем более Молдова не нужны. Им нужна антироссия. А зищащать их должны США, которые не знают про существование этого маленького государства. Память им поотшибало. Забыли кто они такие, точнее что они никто. Вассальное государство. Вот и видимо по генной привычке медом больше намазали там. Тезис подтверждается высказыванием продвинутых и толерантных. Все кто против - агенты кремля. Страх управляет стадом и более напуганные бегут к урнам. Сомневаюсь что русские просто так оставят русских в Приднестровье. С другой тем и интереснее наблюдать