У Нью-Ёрку мужчыну зацягнула ў апарат МРТ з-за металічнага ланцужка на шыі. Ён загінуў
У медыцынскім цэнтры ў Вестберы, размешчаным у штаце Нью-Ёрк, 61-гадовага мужчыну зацягнула ў апарат магнітна-рэзананснай тамаграфіі (МРТ), піша CBS News. Гэта адбылося днём 16 ліпеня.
61-гадовы мужчына ў момант здарэння знаходзіўся ў памяшканні з тамографам, куды ён увайшоў без дазволу ў момант правядзення сканавання.
У пацярпелага на шыі быў вялікі металічны ланцужок. Калі мужчына апынуўся ў кабінеце, машына нацягнула ланцуг, а затым засмактала самога чалавека ўсярэдзіну.
Пацярпелага даставілі ў бальніцу ў крытычным стане, аднак неўзабаве ён памёр ад атрыманых траўмаў.
Паводле даных СМІ, загінулы не быў пацыентам і знаходзіўся ў бальніцы з кімсьці іншым. У мужчыны пасля здарэння дыягнаставалі сардэчную недастатковасць.
Па словах відавочцы, мужчына парушыў забарону ўваходзіць у палату, пачуўшы крыкі свайго сваяка, якому ў гэты момант праводзілі тамаграфію.
Цяпер чытаюць
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў9
Каментары